प्रधानमन्त्रीको भारत भ्रमण : एमाले महासचिवका ९ सुझाव

राजनीति

- न्युज नेपाल

काठमाडौँ । भारत भ्रमणमा जान लागेका प्रधानमन्त्री पुष्पकमल दाहाल प्रचण्डलाई नेकपा एमालेका महासचिव शङ्कर पोखरेलले ९ वटा सुझाव दिएका छन।

महासचिव पोखरेलले सामाजिक सञ्जालमार्फत प्रधानमन्त्रीलाई ९ वटा सुझाव दिदै राष्ट्रिय शक्तिहरूका बीचमा बलियो समझदारी हुनुपर्ने बताउएसउ हुन ।

यस्तै उनले नेपालको हितका पक्षमा तयारीसहितको स्पष्ट अडान आवश्यक रहेको उल्लेख गरेका छन ।

‘यतिवेला नेपालको प्राथमिकता भारतसँगको विद्युत् व्यापार होइन, नेपालमै विद्युतको खपत वृद्धि गर्ने परियोजनाहरूको विकासको कुरा हो’, उनले लेखेका छन,’ त्यसमा भारतको लगानी र सहयोगमा जोड दिनु राम्रो हुन्छ ।’

महासचिव पोखरेलले प्रधानमन्त्रीको भारत भ्रमण भारतको चाहनामा होइन नेपालको राष्ट्रिय हितका विषयमा केन्द्रित हुन सक्नुपर्ने बताए ।

प्रधानमन्त्री प्रचण्ड आजदेखि यही जेठ २० गतेसम्मका लागि भारत भ्रमणमा जाँदै छन ।

यस्ता छन् महासचिव पोखरेलका सुझाव:
१ इपिजिको प्रतिवेदनलाई स्वीकार गरी त्यसको कार्यान्वयनको तयारी
२ गौतम बुद्ध तथा पोखरा अन्तर्राष्ट्रिय विमानस्थलका नयाँ एअर रुटको सुनिश्चितता
३ नयाँ (चुच्चे) नक्सामा आधारित भई सीमा समस्याको समाधानको थालनी
४ डुबान समस्याको समाधानका सन्दर्भमा विगतमा भएको सहमतिको कार्यान्वयन
५ भारतसँगको बढ्दो व्यापार घाटा कम गर्ने सन्दर्भमा ठोस पहल
६ खुला सीमालाई प्रभावकारी रूपमा नियमन गर्ने विषय
७ तेस्रो मुलुकसँगको व्यापारमा भारतीय बन्दरगाह र मार्गको प्रयोगमा सहजता
८ गङ्गा रिभरवेसिन हुँदै नेपालसम्मको जल यातायातको विकास
९ भारतीय प्रधानमन्त्रीबाट घोषणा गरिएको सहुलियतपूर्ण कर्जाको प्रयोगमा उत्पन्न जटिलताको समाधान ।