ताजा समाचार

पेट्रोल र डिजलको मूल्य बढ्यो, खाना पकाउने ग्यासको भाउ सिलिन्डरमै १३० रुपैयाँ घट्यो

अर्थ र बाणिज्य
- न्यूज नेपाल
       

काठमाडौं। नेपाल आयल निगमले पेट्रोल, डिजल र मट्टितेलको मूल्य बढाएको छ। इन्डियन आयल कर्पोरेशन (आइओसी)ले पठाएको मूल्य अनुसार निगमले पेट्रोल लिटरमा ९ रुपैयाँ र डिजलमा ७ रुपैयाँ मूल्य बढाएको छ।

निगमले खाना पकाउने ग्यासको मूल्य भने सिलिण्डरमा १ सय ३० रुपैयाँले घटाएको छ। निगमको मंगलबार बसेको संचालक समिति बैठकले मूल्य घटबढको निर्णय गरेको हो। निगमले दुई साताअघि प्रधानमन्त्री पुष्पकमल दाहाल ९प्रचण्ड०को सहमति लिएर स्वचालित मूल्य कार्यान्वयन गरेको थियो।

अब काठमाडौंमा पेट्रोल लिटरको १७३ रुपैयाँमा पर्नेछ।काठमाडौंमै डिजल र मट्टितेल १ सय ५३ रुपैयाँ लिटर पर्नेछ। अब खाना पकाउने ग्यास उपभोक्ताले १६ सय ६० रुपैयाँमा पाउनेछन्। आइओसीले मंगलबार पठाएको मूल्य अनुसार पेट्रोलको मूल्य प्रतिलिटर साढे ८ रुपैयाँ र डिजलमा ७ रुपैयाँ ६१ पैसा बढेर आएको थियो भने मट्टितेलमा प्रतिलिटर साढे ७ रुपैयाँ र हवाई इन्धनमा ८ रुपैयाँ मूल्य बढेर आएको थियो।

तर, ग्यासको भाउ प्रतिसिलिन्डर १०० रुपैयाँले घटेर आएपछि संचालक समिति बैठकले मूल्य घटाउने निर्णय गरेको हो। परल मूल्यमा डिजलमा २ प्रतिशत र पेट्रोलमा २।५ प्रतिशत मुनाफा निगमले राख्ने गरेको छ।

Comments

प्रकाशित मिति : 2023-08-01

अरु समाचार

© NewsNepal 2018 - All Right Reserved.
newsnepal.com 2017.hlon.org