भारतलाई हराउँदै टी २० सिरिजको उपाधी वेस्ट इन्डिजलाई

खेलकुद

काठमाडौ । भारत र वेस्ट इन्डिज विच भएको टी २० सिरिजको उपाधी वेस्ट इन्डिजले जितेको छ ।

भारतविरूद्धको पाँच खेलको टी २० सिरिजमा घरेलु टिम वेस्ट इन्डिजले भारतलाई ३–२ जितेको हो।

आइतबार राति भएको पाँचौ तथा अन्तीम खेलमा वेस्ट इन्डिजले भारतलाई ८ विकेटले पराजित गर्दै सिरिजको उपाधी आफ्नो नाममा पारेको हो ।

टस हारेर फिल्डीङको निम्तो पाएको वेस्ट इन्डिजले ९ विकेटमा १६५ रनमा भारतलाई समेट्न सफल भएको थियो । बलिङमा वेस्ट इन्डिजका रोमारियो शेफर्डले ४ विकेट लिए भने अकिल हुसेन र जासन होल्डरले २,२ विकेट हात पारेका थिए। टस जितेर पहिले ब्याटिङ गरेको भारतले ९ विकेट गुमाएर १६५ रन मात्रै बनाउन सकेको थियो।

भारतका लागि सूर्यकुमार यादवले सर्वाधिक ६१ रन र तिलक बर्माले २७ रन बनाउँदा,
वेस्ट इन्डिजका ओपनर ब्रान्डन किङले नटआउट ८५ रन र निकोलासन पूरनले ४७ रन बनाएका थिए।

बलिङमा चार विकेट लिएका शेफर्ड प्लेयर अफ दि म्याच हुँदा निकोलास पूरन प्लेयर अफ दि सिरिज घोषित भएका थिए ।