चीनले बनाइदिएको ड्राई पोर्ट र बन्दरगाह प्रयोगमा नआउनु नेपालले लाभ लिन नसक्नु हो: चिनियाँ राजदूत सोङ् (कार्यक्रमका फोटोसहित)

काठमाडौं । नेपालका लागि चिनियाँ राजदुत छन् सोङ्ले नेपालमा निर्यातजन्य बस्तु नभएकाले चीन सरकारले बनाइदिएको ड्राई पोर्ट र बन्दरगाह प्रयोग गर्नुपर्ने सुविधाबाट नेपालले लाभ लिन नसकोको बताउनु भएको छ । शनिबार काठमाडौंमा फाउण्डेसन फर ट्रान्स हिमालयन रिसर्च एण्ड स्टडिजले आयोजना गरेको अन्तरक्रिया कार्यक्रममा बोल्दै राजदुत सोङ्ले चीन सरकारले बनाईदिएको ड्राई पोर्ट र बन्दरगाह प्रयोगमा नआउनु नेपालले लाभ लिन नसक्नु रहेको बताउनु भएको हो।

उहाँले चीनको आर्थिक बिकास खुल्लापन र बजार अर्थतन्त्रबाट भएको भनाई गलत भएको बताउँदै दुईदशक चलेको राजनीतिक,आर्थिक व्यवस्थाले चिनियाँ अर्थतन्त्रको मजवुत जग खडा भएको र पछि अपनाईएको खुलापनको नितिबाट लाभ लिन सकिएको बताउनुभयो । उहाँले नेपालको पोटेन्सियल सेक्टर कृषि भएकाले गुणस्तर कृषिजन्य सामाग्री उत्पादन भए चीनले जति पनि खरिद गर्न सक्ने बताउनु भयो । कार्यक्रममा प्रतिनिधि सभाका सभामुख देवराज घिमिरेले राष्ट्रियतालाई प्राथमिकतामा राख्दै विदेशी सहयोगलाई जनताको हितमा कार्यान्वयन गर्नुपर्ने बताउनु भयो ।

विश्व परिवेशमा चीनको अर्थतन्त्र र नेपालमा त्यसको प्रभाव विषयक कार्यक्रममा सभामुख घिमिरेले एमसीसी, बीआरआई लगायतका कार्यक्रमलाई राष्ट्रियता प्राथमिकतामा राख्दै जनताको हितमा कार्यान्वयन गर्नुपर्ने बताउनु भएको हो । उहाँले चीन र भारतको आर्थिक प्रगतिबाट फाइदा लिने क्रममा नेपाललाई अवसर र चूनौती दुवै रहेको बताउनु भयो ।

सभामुख घिमिरेले चीन र भारतको प्रभावलाई सन्तुलित ढंगले कायम राख्दै राष्ट्रियतालाई मजबूत बनाउँदै नेपाली जनताको आत्मनिर्भरताका लागि अघि बढाउन कस्तो बाटो लिने भन्नेबारे बहस हुनुपर्ने जिकिर गर्नुभयो । मुलुकमा परिवर्तन आएपनि कृषि वस्तुमा बाह्य निर्भर हुनुपर्ने, दक्ष जनशक्ति बाहिरिनुपर्ने अवस्था र उद्योगधन्दाहरु बन्द हुँदै गएको अवस्थालाई अन्त्य गर्न गम्भीर भएर सोच्नुपर्ने उहाँले बताउनुु भयो ।

सभामुख घिमिरेले मुलुकलाई विकासको बाटोतर्फ अघि बढाउन मावनस्रोत, प्राकृतिक स्रोत साधनको उपयोगलाई ध्यान दिनुपर्ने धारणा राख्नुुभयो । कार्यक्रममा पूर्वराजदूत महेन्द्र पाण्डे, डा. भरत पोखेल, डा. कल्याण रोक्का, पूर्वपरराष्ट्रमन्त्री डा. बिमला राई पौडेल, सार्वजनिक लेखा समितिका सभापति  ऋषिकेश पोखरेल, बागमती प्रदेशकी उपसभामुख अप्सरा चापागाईं लगायतले धारणा राख्नुभयो । कार्यक्रमको अध्यक्षता पूर्वपर्यटनमन्त्नी आनन्दप्रसाद पोखरेलले गर्नु भएको थियो  ।

Comments

• चिनियाँ राजदूत