बाढीमापरी लिबियामा ३ हजार भन्दा बढिको मृत्यु दशौं हजार बेपत्ता

विश्व प्रवास

- न्युज नेपाल

काठमाडौं। बाढीले लिबियामा ३ हजार जना भन्दा बढिको मृत्यु भएको छ । लिबियाको पूर्वी क्षेत्रमा आँधिपछि आएको बाढीबाट ३ हजार भन्दा बढिको मृत्यु भएको अनुमान गरिएको छ । ड्यानियल नामको आँधिपछि आएको बाढीमा परि हजारौं व्यक्ति बेपत्ता भएका छन्।

बाढीले समुद्री तटको डेर्ना नदीमा बनाइएको दुई वटा बाँध र चार वटा पुल भत्काएको थियो , जसका कारण लाखौं क्युबिक मिटर पानी डेर्ना सहरमा पसेको हो । लिबियाको रेडक्रस सेन्टका प्रवक्ता ताफिक शुक्रीले घटनामा मृत्यु हुनेको संख्या मंगलबार साँझसम्म २ हजार ८४ पुगेको पुष्टि गरे । यस्तै रेडक्रस लिबियाका प्रमुख तामोर रमादानले १० हजार भन्दा बढी व्यक्ति बेपत्ता भएको समाचार संस्था अलजजिरालाई बताएका छन् । २० हजार भन्दा बढि व्यक्ति विस्थापित भएको पनि अन्तराष्ट्रिय सञ्चारमाध्यमले जनाएका छन्।

तीन दशक सम्म शासन गरेका मुअम्मर गद्दफीको सन्२०११ मा हत्या गरिएपछि सन् २०१४ देखि लिबिया दुई प्रशाशनिक क्षेत्रमा विभाजित भएको थियो । बेघाजी पूर्व लिबियाकाृ प्रशासनिक केन्द्र हो । यहाँका स्वघोषित सरकारका प्रधानमन्त्री ओसामा हमादसहित सुरक्षा बलका अधिकारीले घटनाबाट एक हजारभन्दा बढीको मृत्यु भएको र हजारौं व्यक्ति हराएको बताएका छन् । बेघाजीस्थित सरकारका नागरिक उड्डयनमन्त्री हिचेम स्किओतले डेर्ना सहरको निरीक्षणपछि मंगलबार समाचार संस्था रोयर्टसलाई शवहरु सबैतिर देखिएको बताएका छन् । समुद्री किनारा, उपत्यका र भवनभित्र शव छरिएको देखिएको छ । सहरको एक चौथाई भाग बाढीले डुबेको छ, उनले भने । उक्त सहरमा मात्र १ हजार ५ सय भन्दा बढी को मृत्यु भएको उनले बताए । डोर्नामा करिब एकलाखको बसोबास रहेको अनुमान छ ।

बाढी सँगै सहरमा बिजुली र इन्टरनेटको लाइन काटिएको छ । घटनामा मृत्यु हुने र हराउनेहरुको संख्या यकिन नभए पनि मृतकको संख्या बढ्न सक्ने सरकारी अधिकारीहरुले जनाएका छन् ।

पश्चि लिबियाको अन्तराष्ट्रिय मान्यता प्राप्त सरकारका प्रधानमन्त्री अब्दुल हामिदले राजधानी त्रिपोलीबाट १४ टन खाद्यन्न तथा मेडिकल सामग्री बेघाजीतर्फ बताइएको छ । यद्यपि मौसम चुनौती कारण उक्त सहरमा राहत पुर्‍याउन कठिना भइरहेको सञ्चारमाध्यमले जनाएका छन् । दुवै सरकारले पूर्वी क्षेत्रलाई प्राकृतिक विपद् संकटग्रस्त घोषणा गर्दै साहयताको प्रक्रिया सुरु गरेको छ ।