प्रधानमन्त्री दाहालको ७ दिने चीन भ्रमणले विश्व रेकर्ड कायम गर्ला त ! : पूर्वसचिव त्रिताल

काठमाडौं । नेपाल सरकारका पूर्वसचिव शारदाप्रसाद त्रितालले प्रधानमन्त्रीे पुष्पकमल दाहाल एउटै देशमा सात बसेकोमा व्यङ्ग्य गरेका छन् । सामाजिक सञ्जाल फेसबुकमा स्टाटस लेख्दै उनले प्रधानमन्त्री दाहालको लामो चीन भ्रमणप्रति व्यङ्ग्य गरेका हुन् ।

देशमा आर्थिक संकटबाट गुज्रिरहेका बेला प्रधानमन्त्री दाहाल नेतृत्वको टोलीले लामो विदेश यात्रा गरेर रमाएको भन्दै सञ्चारमाध्यमदेखि सामाजिक सञ्जालमा आलोचना भइरहेको छ । प्रधानमन्त्री दाहालको पछिल्लो समयको विदेश भ्रमणको विवरण हेर्दा त्यो बढी देखिएको छ ।

पूर्वसचिव त्रिताल सामाजिक सञ्जाल फेसबुकमा लेख्छन्, ‘औपचारिक भ्रमणमा कुनै देशमा गएर त्यही देशमा ७ दिन विताएको विश्व रेकर्ड हाम्रै प्रधानमन्त्रीको नाममा आउला कि नआउला कुन्नि ? त्रितालले यो स्टाटस फेसबुकमा लेखेपछि टिप्पणी गर्नेहरुको ओइरो लागेको छ ।’

पुर्व सचिव घिमिरेको स्टाटस पढेपछि जयराज घिमिरे लेख्छन् , ‘सर ! यो रेकर्ड हाम्रै प्रमको नाममा रहने भो अरुले ब्रेक गर्न अशंभबनै होला !अच्छा खातिरदारीमै रमाएर खाली हात फर्के पनि एयर्पोर्टमै पत्रकार सम्मेलन गरि भ्रमण अत्यन्त सफल भएको घोषणा गरि हाल्छन् , उपलब्धि त्यहि हो ।’

त्यस्तै शिव शर्माको पूर्वसचिव त्रितालको स्टाटसमा यस्तो टिप्पणी छ,’ घुमफिर मस्ती छ । गरिब देशका प्रधानमन्त्रीको खर्च जनताको थाप्लोमा । नमुनायुक्त काम गरेर आए त जनताले जय जय गर्लान् हेरौ रिजल्टका फेरिस्ता ।’

प्रधानमन्त्री प्रचण्ड छिमेकी चीनको साताव्यापी औपचारिक भ्रमण सकेर आज (शनिबार) स्वदेश फर्किँदै छन् । चिनियाँ राष्ट्रपति सी जिनपिङसँग ६ असोजमा र समकक्षी ली छियाङसँग ८ असोजमा औपचारिक वार्ता सकेर छोङछिङ, तिब्बतको ल्हासा, कैलाश मानसरोवर हुँदै प्रधानमन्त्री शुक्रबार सिचुआनको छेन्दु पुगे । तेस्रो कार्यकालमा प्रधानमन्त्रीका रूपमा यो प्रचण्डको पहिलो चीन भ्रमण हो ।

Comments