एमाले कर्णाली अधिवेशन नेतृत्वका लागि आज मतदान

राजनीति

- न्युज नेपाल

एमाले कर्णाली प्रदेश नेतृत्वका लागि आइतबार मतदान हुने भएको छ । आकांक्षी धेरै भएकाले सर्वसम्मत प्रयास असफल भएको छ । शनिबार अपराह्न ४ बजे नामावली सार्वजनिक भएकालवे आइतबार मतदान हुने एमाले प्रदेश निर्वाचन अधिकृतको कार्यालयले जनाएको छ ।

कर्णाली प्रदेशको अध्यक्षमा राजबहादुर शाही, मीनबहादुर शाही, गुलावजंग शाह, प्रेमबहादुर सिंह र प्रकाश रोकायाले उम्मेदवारी दिएका थिए । राजबहादुर र प्रेमबहादुरले उम्मेदवारी झिकेका कारण शाही, शाह र रोकायाबीच प्रतिस्पर्धा हुने भएको छ ।

उपाध्यक्षमा दानिसंह परियार, टेकराज पछाई र लालबहादुर महताराको उम्मेदवारी परेको छ । सचिवमा रुद्रबहादुर शाही र ध्रुवबहादुर शाहीबीच प्रतिस्पर्धा हुनेछ । उपसचिव समावेशीमा मेनका पछाई र पद्मा खड्काको उम्मेदवारी परेको छ ।

उपसचिव खुल्लामा नारायणकुमार शाह, रवीन्द्रराज शर्मा, रमेशकुमार शाही, बखतबहादुर भण्डारी, कमल शाही, धिरेन्द्रराज गिरी, तेजकुमार विकको उम्मेदवारी परेको छ । लेखा आयोगको अध्यक्षमा जितबहादुर मल्ल, दीर्घराज न्यौपाने र सुरज थापाको उम्मेदवारी परेको निर्वाचन प्रमुख निर्वाचन अधिकृत मातृकाप्रसाद खनालले बताए ।