नेप्से परिसूचकमा सामान्य अङ्कको सुधार

अर्थ र बाणिज्य

- न्युज नेपाल

काठमाडौं । यो सातामा कारोबारको लगातार चारदिन देखि घटेको सेयर बजार परिसूचक (नेप्से)मा आज(बुधबार) सामान्य अङ्कको सुधार देखिएको छ । आज नेप्से परिसूचक ५.१६ अङ्कले बढेर एक हजार १८९४.७६ बिन्दुमा कायम भएको छ ।

विभिन्न दुई सय ८६ कम्पनीका ३७ लाख ३३ हजार पाँच सय २४ कित्ता शेयर ५५ हजार एक सय ९७ पटक खरिदबिक्री हुँदा रू एक अर्ब आठ करोड ८५ लाख ४७ हजार नौ सय ८० बराबरको कारोबार भएको नेप्सेले जनाएको छ ।

आजको कारोबारमा उत्पादन तथा प्रशोधन समूह ०.१३, निर्जीवन बीमा समूह ०.०६ र व्यापार समूह ०.१३ प्रतिशतले घटेको छ । अरु सबै समूहको उपसूचक बढेको छ । सबैभन्दा धेरै १.८० र म्युचुअल फन्ड १.०७ प्रतिशतले बढेको छ ।
एक सय ३७ कम्पनीको शेयर मूल्य बढेको छ । सबैभन्दा धेरै सिटी होटल लिमिटेडको शेयर मूल्यमा सकारात्मक सर्किट लागेको छ । सबैभन्दा धेरै घट्नेमा भने सानिमा जिआईसी इन्स्योरेन्स लिमिटेडको शेयर मूल्य ४.२१ प्रतिशतले घटेको छ ।

कारोबार रकमका आधारमा आज सबैभन्दा धेरै मान्डु हाइड्रोपावर लिमिटेडको रू चार करोड ८० लाख ९० हजार आठ सय १६ बराबरको किनबेच भएको छ । कारोबार भएका शेयर सङ्ख्याका आधारमा आज सबैभन्दा धेरै हिमाल दोलखा हाइड्रोपावर कम्पनी लिमिटेडको एक लाख ६६ हजार सात सय २९ कित्ता शेयर किनबेच भएको छ ।

Comments

प्रकाशित मिति : 2023-10-11

नेप्से परिसूचकमा सामान्य अङ्कको सुधार

Comments

अरु समाचार