विश्वव्यापी भोकमरी देशको सूचिमा नेपालको अवस्था सुधारोन्मुख

अर्थ र बाणिज्य

- न्युज नेपाल

काठमाडौं । बिहीबार सार्वजनिक भएको ग्लोबल हंगर इन्डेक्स २०२३ को प्रतिवेदन अनुसार नेपालमा भोकमरिको अवस्था सुधारोन्मुख रहेको देखिएको छ । ग्लोबल हंगर इन्डेक्सको १६औं संकरणको नतिजामा दक्षिण एसियाली मुलुकमध्ये नेपाल र श्रीलंकाको अवस्था सुधारोन्मुख देखिएको हो ।

सूचकांकमा भारतको अवस्था निकै कमजोर देखिएको छ । कुल १२५ देशको तथ्यांक उपलब्ध भई गरिएको अध्ययनमा नेपाल ६९ औं स्थानमा रहेको छ, भने छिमेकी मुलुक भारत १११ औं स्थामा रहेको छ । दक्षिण एसियामा नेपालभन्दा अगाडि रहेको श्रीलंका ६० औं स्थानमा छ ।

ग्लोबल हंगर इन्डेक्स अलायन्स नामक एक समूहले तयार गर्छ । जसमा युरोपेली गैरसरकारी संस्थाले नेतृत्व लिएका छन् । यस नतिजाका लागि कुपोषणको अवस्थाबारे गणना गरिने अध्ययनमा उल्लेख छ । जसमा जनसंख्याको कति प्रतिशत जनसंख्यामा कम क्यालोरीवाला भोजन मिल्छ भन्ने विषयलाई अध्ययन गर्ने गरिन्छ ।

विश्वव्यापी भोकमरी सूचकांक २०२२ मा नेपाल ८१ औं स्थानमा थियो । यसमा व्यापक सुधार गर्दै नेपाल यस वर्ष ६९ औं स्थानमा आइपुगेको हो । नेपालको अवस्था सन् २००२ मा जोखिमपूर्ण अवस्थामा थियो । जोखिमपूर्ण अवस्थाबाट निरन्तर सुधार गर्दै आएको नेपाल सन् २०१५ मा ७८ औं स्थानमा थियो । यो सूचीमा पहिलो स्थानमा बेलारुस रहेको छ । सूचीमा नेपालभन्दा पछाडि दक्षिण एसियाका बंगलादेश ८१, पाकिस्तान १०२, भारत १११, अफगानिस्तान ११५ औं स्थानमा छन् ।

यो प्रतिवेदनले भारतको वास्तविक स्थितिको मूल्यांकन गर्न नसकेको आरोप लगाउदै भरतले यसलाई मान्यता नदिने बताएको छ ।