ताजा समाचार

भारतले हालसम्मकै उच्च सीफूड निर्यात गरेको तथ्याङ्क

breaking news
-
       

काठमाडौं । भारतले आर्थिक वर्ष २०२३–२४ मा हालसम्मकै सबैभन्दा धेरै सीफूड निर्यात गरेको छ । भारतको वाणिज्य तथा उद्योग मन्त्रालयका अनुसार सो अवधिमा भारतले १७ करोड ८१ लाख ६ सय २ मेट्रिक टन सीफूड विदेश निर्यात गरेको छ ।

यसबाट भारतले ६० हजार ५ सय ३२ करोड भारु आम्दानी भएको मन्त्रालयको तथ्यांकमा उल्लेख गरिएको छ । सीफूडमा भारतबाट सबैभन्दा धेरै ‘फ्रोजन स्रिम्प’ निर्यात भएको जनाइएको छ । फ्रोजन स्रिम्पको निर्यातबाट भारतले सो अवधिमा ४० हजार १३ करोड भारु आम्दानी गरेको भारतीय समाचार संस्था एएनआईले जनाएको छ ।

भारतबाट सबैभन्दा धेरै सीफूड अमेरिका निर्यात भएको पाइएको छ । अमेरिकाले भारतबाट २ अर्ब ५४ करोड डलर बराबरको सीफूड आयात गरेको जनाइएको छ । आर्थिक वर्ष २०२३–२४ मा अमेरिकापछि चीन र जापानतर्फ भारतीय सीफूड सबैभन्दा धेरै निर्यात भएको मन्त्रालयले जनाएको छ ।

Comments

प्रकाशित मिति : 2024-06-22

अरु समाचार

© NewsNepal 2018 - All Right Reserved.
newsnepal.com 2017.hlon.org