चीनले विश्वको सबैभन्दा ठूलो रेडियो टेलिस्कोप निर्माणलाई सहयोग गर्न एन्टेना प्रदान गर्ने

breaking news

बेइजिङ । चीनद्वारा निर्मित स्क्वायर किलोमिटर एरे एसकेएको मध्यम–फ्रिक्वेन्सी एन्टेनाको पहिलो ब्याच बुधबार दक्षिण अफ्रिकामा पठाइएको छ । यो विश्वको सबैभन्दा ठूलो रेडियो टेलिस्कोप एरेको निर्माणका लागि महत्त्वपूर्ण कदम हो । एन्टेना उत्तरी चीनको हेबेई प्रान्तको राजधानी सिजियाझुआङबाट दक्षिण अफ्रिकाको एसकेए साइटमा पठाइएको थियो ।

एसकेए अस्ट्रेलिया र अफ्रिकाका धेरै साइटहरूमा अवस्थित विभिन्न प्रकार र आकारका हजारौँ रेडियो एन्टेनाहरूको नेटवर्क हो । यो परियोजना १० भन्दा बढी देशद्वारा संयुक्त रूपमा वित्त पोषित, निर्माण र सञ्चालित छ । यसले अहिलेसम्म विकसित कुनै पनि अन्य रेडियो उपकरण एरेभन्दा धेरै उच्च संवेदनशीलता र सर्वेक्षण गति फिचर गर्नेछ ।

अन्तर्राष्ट्रिय ठूला विज्ञान परियोजनाका सात संस्थापक सदस्यमध्ये एक र सन् २०१९ मा हस्ताक्षर गरिएको एसकेए अब्जर्भेटरी कन्भेन्सनमा हस्ताक्षरकर्ता भएकाले चीन ६४ एसकेए मध्यम–फ्रिक्वेन्सी एन्टेना सेटहरूको डिजाइन, निर्माण, यातायात, एकीकरण र कमिशनका लागि जिम्मेवार छ । यो डेलिभरी एन्टेना संरचनाको ठूलो उत्पादन चरणको सुरुआतको प्रतीक हो ।यो पूरा भएको एरेले मानवजातिलाई ब्रह्माण्डको उत्पत्ति बुझ्न र आकाशगङ्गाहरूको विकासको अनुसन्धानमा योगदान पु¥याउने अपेक्षा गरिएको छ ।