किताव जात्रामा चिनियाँ चर्चित लेखकका किताव

Blog

- न्यूज नेपाल

काठमाडैं । किताब जात्रा २०८१ को छैटौं संस्करण श्रावण १८ र १९ गते काठमाण्डौको सुन्धारा स्थित आर्मी अफिसर्स क्लबमा आयोजना भएको हो ।

किताब जात्रा महोत्सवमा कला, साहित्य, संस्कृतिका विभिन्न आयामहरुबारे छलफल भएको र विभिन्न किताबका स्टलहरुसँगै कलाका अन्य स्टलहरु पनि भएकाले यो महोत्सवले धेरै मानिसहरुलाई मन्त्रमुग्ध बनाएको छ ।

विगतका वर्षहरुमा विशेषगरि नेपालका किताब तथा कलाका स्टलहरु हुने गर्दथ्यो । तर यसवर्ष भने अर्को एउटा आकर्षक स्टल पनि देखिएको छ । जसमा चिनियाँ उत्कृष्ट लेखक स्वेमोद्वारा लिखित किताब मात्रै रहेको देखिन्छ । स्वेमो एक लेखक मात्र नभई चिनियाँ ताओ धर्म तथा बौद्द धर्मका ज्ञाता एवम् सांस्कृतिक विद्वान समेत हुन् । उनका कृतिहरूमा विशेषगरि धर्म, अध्यात्म तथा मानव जीवनका गहिरा मुद्दाहरुको स्वाद तथा आभास पाईन्छ, जसका कारण उनका कृतिहरूले थुप्रै पाठकहरुलाई मन्त्रमुग्ध बनाएको पाईन्छ।

यसपालि यस स्टलमा विशेषगरि उनका दुईवटा नेपाली भाषामा अनुवादित किताबहरु, अङ्ग्रेजी भाषामा अनुवादित किताबहरु तथा चिनियाँ भाषामा लिखित करिब एकसय भन्दा बढी किताबहरु रहेको थियो । जसमध्ये महोत्सवका क्रममा यस स्टलमा आउने पाठकहरुलाई निकै प्रभावित तुल्याउन सफल किताबहरुमा नेपाली प्रसिद्द लेखक मल्ल के सुन्दरद्वारा अनुवादित “सिनचियाङ बुढो”, अरनिको समाजका अध्यक्ष एवम् प्रसिद्ध चिनियाँ भाषाविद् डा. सर्वोत्तम श्रेष्ठद्वारा अनुवादित “समीपमा प्रेम” तथा J.C.Cleary द्वारा अङ्ग्रेजी भाषामा अनुवादित “The World is Reflection of the Mind” रहेका थिए ।

स्टलमा आउने सबै पाठकहरुलाई स्वेमोका कृतिहरुका बारे परिचय गराउँदै रहेकी स्वेमोका शिष्य कुच्रिछाओ भन्नुहुन्छ: चिन र नेपालबिच हजारौँ वर्षदेखि सुमधुर मित्रता कायम हुँदै आएको छ, त्यसैले यस्तै साना प्रयासको माध्यमहरुबाट चिन-नेपालका सबै मानिसहरुबिच एक-अर्काको साहित्य, संस्कृति तथा रहनसहनबारे ज्ञान होस्, सबैले केही नयाँ कुराहरु सिक्ने मौका पाउन् र एक-अर्काबिच मनका भावहरु मनदेखि नै साटासाट होस् भन्ने हाम्रो उद्देश्य हो ।