हनि ट्रयापिङ प्रकरणमा दरबारमार्ग बृत्तदेखि भैंसेपाटी प्रभागसम्मको कनेक्सन देखियो
काठमाडौं । ललितपुरको भैंसेपाटी प्रभागमा एक व्यापारीलाई थुनामा राखेर पैसा असुल्ने समूह पेशेवर देखिएको छ। प्रहरीकै अधिकारीदेखि विभिन्न व्यक्तिहरुसँग मिलेर उनीहरुले युवतीहरू परिचालन गरी विगतमा पनि यसैगरी पैसा असुलिएको भेटिएको छ ।
भैंसेपाटी प्रभागकी इन्सपेक्टर बिनुकुमारी शाहीसँग मिलेर उनीहरुले मोरङका एक जग्गा व्यापारीलाई थुनामा राखी ३० लाख रुपैयाँ असुलेका थिए । सो समूहले अन्य व्यक्तिलाई पनि भैंसेपाटी प्रभागमा थुनामा राखेर सोही शैलीमा पैसा असुलेको सूचना प्रहरीले पाएको छ । तर, पीडितहरु अझै खुलेका छैनन् ।
त्यसअघि काठमाडौंको दरबारमार्ग वृत्तमा भएको घटना भने पुष्टि नै भइसकेको छ । हाल थुनामा रहेका सुनसरीका ताज इस्लामको समूहले दोलखाका ठेकदार तथा एमाले नेता विदुर शर्मालाई गत जेठमा फसाएको थियो । एक युवती परिचालन गरी शर्माविरुद्ध जर्बजस्ती करणीको जाहेरी दिन लगाइएको थियो । जून घटना १६ लाख रुपैयाँमा लेनदेन गरेर मिलापत्र गरी पछि जाहेरी फिर्ता लिन प्रहरीमा निवेदन दिएको समेत छानविनमा खुलिसकेको छ । इस्लामकै नबील बैंकमा रहेको खाता नम्बर ११९१००१७५०३२५५ मा सो रकम जम्मा भएको थियो । दोलखा नै घर भएका मिटरब्याजी गणेश उप्रेतीसँग मिलेर शर्मालाई त्यसबेला फसाएका थिए ।
जसकारण उप्रेती समेत यो घटनामा तानिने सम्भावना छ । शर्मालाई फसाउनका लागि उप्रेतीलाई गिरोहका नाइके इस्लामलाई टोयोटा कोरला गाडी समेत दिएका थिए । स्रोतका अनुसार बी एए ०३९८ नम्बरको गाडी दिइएको थियो । हालै मात्र त्यो गाडी उप्रेतीले फिर्ता लिएका छन् । मिटरब्याज लगायत अपराधमा उप्रेती विगतमा पक्राउ परेका आपराधिक पृष्ठभुमीका व्यक्ति हुन् । दरबारमार्ग वृत्तको घटनामा प्रहरीको भूमिका प्रष्ट भइसकेको छैन , भैंसेपाटीको प्रकरणमा भने पुष्टि नै भइसकेको छ । हाल निलम्बनमा रहेकी इन्सपेक्टर शाही मात्र होइन एक एसपीको समेत त्यसमा शंकास्पद भूमिका देखिएको छ ।
तर, गिरोहका नाइके ताज इस्लामको मोबाइल गायब बनाएर एसपीलाई जोगाउने प्रयास भइरहेको छ । सो मोबाइल इन्सपेक्टर शाही आफैंले गायब बनाएकी हुन् । तर, उनलाई ललितपुर प्रहरीले अझै नियन्त्रणमा नलिदा छानविन तथा अनुसन्धान रोक्न उनले चलखेल गरिरहेकी छिन् । प्रहरीकै अधिकारीहरु यो केस मिलाउन सक्रियताका साथ लागेका छन् । हेडक्वाटरमै कार्यरत अर्का एक एसपीले पीडितलाई हायत होटलमा भेटेर इन्सपेक्टर लगायत अन्य प्रहरीको विषयमा केही नबोल्न आग्रह गरेको बताइएको छ । हाल ललितपुर परिसरले डिएसपी नरहरी अधिकारीको नेतृत्वमा छानविन गरिरहेको छ । तर, माथिल्लो तहका प्रहरीको समेत भूमिका देखिएपछि प्रहरी प्रधान कार्यालयबाटै समेत थप छानविन गराउने प्रहरी महानिरीक्षक बसन्तबहादुर कुँवरको तयारी छ ।
डिएसपी नेतृत्वको समितिले केही दिनमै प्रतिवेदन बुझाउने तयारी गरेको छ । हाल ललितपुर परिसरले गिरोहका नाइके इस्लामसहित सुष्मा विक, भिमादेवी थापालाई पक्राउ गरी अनुसन्धान गरिरहेको छ । इटहरीकी थापाको एभरेष्ट बैंकमा रहेको खातामा पीडितलाई २० लाख जम्मा गर्न लगाइएको थियो । एक पटक १३ र अर्कोपटक सात लाख गरेर २० लाख जम्मा गरिएको थियो । थप १० लाखको चेक दिइएकोमा सो चेक समेत इन्सपेक्टर शाहीले अझै लुकाएकी छिन् । त्यस बाहेक पनि इन्सपेक्टरले मिलापत्र गरिदिएवापत छुट्टै पैसा लिएको सूचना प्रहरीले पाएको छ ।
ललितपुर प्रहरीका अनुसार इस्लामले ५–६ जना सुन्दर युवतीहरु परिचालन गर्दै आएका छन् । ती युवतीहरुलाई धनाढ्यहरुसँग नजिक हुन लगाउने, घुम्न पठाउने र पछि बलात्कार मुद्दामा फसाइदिने भन्दै प्रहरीसँग मिलेर पैसा असुल्ने धन्दा गर्दै आएका छन् । कतिपयलाई भने पैसा भन्दा प्रतिशोधका लागि पनि फसाउने गरेको समेत खुलेको छ । एक पत्रकारलाई समेत उनीहरुले फसाउने तयारी गरिरहेको ललितपुर परिसरको अनुसन्धानमा खुलेको छ । विदुर शर्मालाई फसाउने युवती प्रयोग गरी ती पत्रकारलाई महिनौंदेखि फसाउने प्रयास गरेपनि असफल भएको पाइएको छ ।
गिरोह पेशेवर देखिएपछि छानविन समितिको प्रतिवेदनपछि यसमा संलग्नलाई संगठित अपराधको कसुरमा समेत मुद्दा चलाउने प्रहरी तयारी छ । तर, छानविन नै प्रभावित पार्न माथिल्लो तहका प्रहरी अधिकारी सक्रिय भएपछि कतै दोषीहरु उम्कने त होइन भन्ने प्रश्न समेत उठ्न थालेको छ ।
Comments
अरु समाचार
-
खानेपानीको पाइप फुट्दा बबरमहलमा बाढी, सरकारी कार्यालयमा डुबान
काठमाडौं । मेलम्ची खानेपानी आयोजनाको पानीको पाइप फुटेर लथालिंग बन्दा विशेष अदालत वन कार्यालय परिसर डुबानमा परेको छ।पाइप फुटेपछि अहिले...
-
मेडिकल कलेजमा विदेशी विद्यार्थीको सङ्ख्या बढाउन छलफल
काठमाडौं । प्रधानमन्त्री एवम् अध्यक्ष केपी शर्मा ओलीको अध्यक्षतामा बुधबार भएको चिकित्सा शिक्षा आयोगको १७ औँ बैठकले निजी मेडिकल कलेजमा...
-
कोशी कोशीटप्पुमा चराको सङ्ख्या बढ्यो, ७६ प्रजाति
मोरङ। कोशीटप्पु वन्यजन्तु आरक्षमा यसवर्ष चराको सङ्ख्या बढेको छ । आरक्ष र आसपासका क्षेत्रमा हालै गरिएकोे गणनामा विगत वर्षको तुलनामा...
-
सरकारले फागुनमा देशव्यापी नसर्ने रोग परीक्षण गर्ने,१ करोडलाई समेट्ने लक्ष्य
काठमाडौं । देशमा नसर्ने रोगको भार बढ्दै गएको स्थितिमा यसलाई नियन्त्रण गर्न सरकारले फागुन महिनाभर नसर्ने रोगको परीक्षण देशव्यापी रूपमा...
-
आज विभिन्न आठ वटा संसदीय समितिको बैठक बस्दै
काठमाडौं । आज एकै दिन ८ वटा संसदीय समितिको बैठक बस्दैछ । संघीय संसद्अन्तर्गतका ८ वटा समितिले बुधबार एकै दिन...
-
क्षतिग्रस्त बिपी राजमार्गको मर्मत सुरु
काठमाडौं । बाढीबाट क्षतिग्रस्त बिपी राजमार्गको भकुण्डेबेँसीबाट नेपालथोकसम्मका विभिन्न खण्डमा सडक विभागको अगुवाइमा मर्मत थालिएको छ । विभागका अनुसार धेरै...
-
च्याम्पियन्स लिगकाे प्ले अफमा सिटीविरुद्ध रियल म्याड्रिडको रोमाञ्चक जित
काठमाडौं । च्याम्पियन्स लिगको दोस्रो चरण प्रवेशका लागि भएको प्ले अफको पहिलो लेगमा रियल म्याड्रिडले म्यानचेस्टर सिटीलाई ३-२ ले हराएको...
-
एक महिना लामो स्वस्थानी व्रत समापन हुँदै
काठमाडौं । माघ शुक्ल पूर्णिमाका दिन आज एक महिना लामो स्वस्थानी व्रत कथा समापन गरिँदै छ। पौष शुक्ल पूर्णिमादेखि वैदिक...
-
आजको राशिफलः २०८१ माघ ३० गते बुधवार
मेषः मिहिनेत गर्दा भाग्यले साथ दिनेछ। काम बिग्रने भयले सताउनेछ भने न्यून उपलब्धिमा चित्त बुझाउनुपर्ने परिस्थिति देखिन्छ। स्वास्थ्यका लागि आहारविहारमा...