साफ च्याम्पियनसिप : आज नेपाल र भारतबीच सेमिफाइनल प्रतिस्पर्धा हुँदै

breaking news

काठमाडौं । काठमाडौंमा जारी साफ महिला च्याम्पियनसिपको सेमिफाइनल खेल आज हुँदैछन् । सेमिफाईनलमा आज बङ्गलादेश र भुटान तथा नेपाल र भारतबीच प्रतिस्पर्धा हुँदैछ ।

त्रिपुरेश्वरस्थित दशरथ रङ्गशालामा दिउँसो साढे १ बजे सुरु हुने खेलमा साविक विजेता बङ्गलादेश र भुटानबीच प्रतिस्पर्धा हुनेछ । यस्तै, दोस्रो सेमिफाइनमा नेपाल र भारतबीचको खेल साँझ साढे ६ बजे सुरु हुनेछ ।

समूह ‘ए’ बाट बङ्गलादेश र भारत तथा समूह ‘बी’ बाट नेपाल र भुटान सेमिफाइनलमा पुगेका हुन् । समूह चरणमा श्रीलंकालाई हराएर नेपाल समूह विजेताको रुपमा सेमिफाइनलमा पुगेको हो ।

समुहचरणमा विगतको भन्दा उत्कृष्ट प्रर्दशन गरेको भुटानले बंगलादेश तथा नेपालले चिरपरिचित प्रतिद्वन्दी भारतको सामना गर्दैछ । विगतमा छ पटक आम्नेसम्ने भएका नेपाल भारत मध्ये भारतले पाँच तथा नेपालले एक खेल मात्र जितेको छ ।

गत संस्करणको सेमिफाईनलमा भारतलाई १–० गोल अन्तरले पराजित गरेर फाईनल यात्रा तय गरेको नेपालले यस संस्करणमा त्यसलाई दोहोर्याउने मनस्थीतिमा छ ।

तुलनात्मक रुपमा बलियो मानिएको भारत नेपाललाई हराउँदै फाइनल यात्रा तय गर्न चाहान्छ । घरेलु मैदान र घरेलु सर्मथकको फाईदा उठाउँदै नेपाल फाईनल यात्रा तय गर्ने तरखरमा छ ।