१३ वर्षपछि सिरिया ‘कब्जा’ नजिक विद्रोही, राष्ट्रपति अशद देश छाडेर भागेको दाबी

काठमाडौं । सिरियामा पछिल्लो ११ दिनयता जारी विद्रोही र सैनिकबिचको संघर्षमा विद्रोही जित नजिक पुगेका छन्। विद्रोही लडाकुहरू तीन शहर कब्जा गरेर अहिले राजधानी दमास्कस पुगेको सिएनएनले जनाएको छ। विद्रोहीले सिरियाको अलेप्पो, होम्स र दारा शहर कब्जा गरेर अहिले राजधानी ‘कब्जा’ गर्न दमास्कस घुसेका हुन्।

मिडिया रिपोर्ट अनसार विद्रोहीको कब्जामा पर्ने डरले राष्ट्रपति बशर अल(असद र उनको परिवारले देश छाडेर रुसमा शरण लिन पुगेको जनाइएको छ। यद्यपि, सिरिया सरकारले असदले देश छाडेर भागेको खबरहरूको खण्डन गरेको छ। संघर्षका कारण अहिलेसम्म ३ लाख ७० हजारभन्दा बढी मानिसहरू विस्थापित भएको जनाइएको छ।

विद्रोहीले दारा शहर ७ डिसेम्बर मा कब्जा गरेका थिए। दारा त्यही शहर हो, जहाँ २०११ मा राष्ट्रपति बशर अल(असदविरुद्ध विद्रोहको सुरुवात भएको थियो। दारादेखि राजधानी दमास्कसको दुरी १०० किमो रहेको छ।

सिरियामा जरी यो संघर्षलाई रुस र इरानविरुद्ध अमेरिका र अन्य पश्चिमा देशहरुको द्वन्द्वका रुपमा समेत हेरिएको छ। त्यहाँको सरकारलाई रुस र इरानले समर्थन गर्दा विद्रोहीलाई अमेरिकाले हतियार र गोलिगठ्ठा उपलब्ध गराउँदै आएको छ। सिरियाको पछिल्लो घटनामा नवनिर्वाचित राष्ट्रपति डोनाल्ड ट्रम्पले पूर्वराष्ट्रपति ओबामाको नीतिहरू जिम्मेवार रहेको र त्यसमा रुस पनि भागिदार भएको बताए। ट्रम्पले यो आफ्नो लडाइँ नभएको बताए। उनले अमेरिका यो संघर्षमा सहभागी हुनु नपर्ने बताए।

पछिल्लो पटक सिरियामा २७ नोभेम्बरमा सिरियाली विद्रोही हयात तहरीर अल शाम र सरकारबिच संघर्ष सुरु भएको थियो। त्यसपछि विद्रोहीले १ डिसेम्बरमा उत्तरी शहर अलेप्पो कब्जा गरेका थिए। साथै उनीहरूले ४ दिनपछि हमा कब्जा गरे। त्यसपछि ७ डिसेम्बरमा दक्षिणी सहर दारा कब्जा गरेर अघि बढेका थिए।

Comments