नेपाल–चीन सीमाना ७ म्याग्निच्युडको भूकम्प

Breaking News

काडमाडौं । आज बिहान नेपालका लगभग सबै ठाँउमा महसुस भएको भूकम्पको केन्द्रविन्दु नेपाल–चीन सीमाना तिप्बतको दिंगे कान्टीमा रहेको पुष्टि भएको छ ।

खानी तथा भूगर्भ विभागका अनुसार उक्त क्षेत्रमा ७ म्याग्निच्युडको भूकम्प गएको हो । बिहान ६ बजेर ५० मिनेटमा भूकम्प गएको विभागले जनाएको छ । त्यसले नेपालका प्रायः ठाउँमा भुकम्पीय धक्का दिएको छ । तिब्बत क्षेत्रका साथै नेपालको पूर्वदेखि मध्य क्षेत्रमा ठूलो धक्का दिएको हो । भुकम्पको धक्का नेपाल, भारत, चीन, भुटान, बंगलादेशसम्म पनि गरिएको रिपोर्टमा बताईएको छ ।

भूकम्पको क्षतिको विवरण भने आइसकेको छैन । स्थानीय प्रशासनले विवरण स‌ंकलनको काम गरिरहेका छन् । भूकम्पको केन्द्रविन्दु नेपालको सोलुखुम्बु क्षेत्र नजिक पर्छ । सोलुखुम्बुका प्रहरी प्रवक्ता इन्सपेक्टर लक्ष्मण गिरीले ठूलो धक्का महसुस भएको र क्षति भएनभएको बारेमा बुझ्ने काम भइरहेको बताए ।

ठूलो भुकम्प गएकाले केही समयसम्म त्यसका पराकम्पन पनि आउन सक्ने भएकाले सर्तकता र सुरक्षाका आवश्यक उपाय अपनाउन पनि अनुरोध गरिएको छ ।