ताजा समाचार

रबि लामिछाने रूपन्देही जिल्ला अदालतमा हाजिर

Blog
-
       

काठमाडौं । रास्वपा सभापति एवं पूर्व गृहमन्त्री रबि लामिछाने रूपन्देही जिल्ला अदालतमा उपस्थित भएका छन् । उनको मुद्दामा रूपन्देही जिल्ला अदालतमा आज थुन छेकको लागि बहस हुने छ। लामिछाने कार्यालय समयमै अदालतमा पुगेका छन् ।

लामिछानेको थुन छेक बहस रूपन्देही जिल्ला अदालतका ५ नं न्यायाधीश प्रल्हाद कुमार योगीको इजलासमा हुनेछ। यस बहसमा रूपन्देही जिल्ला न्यायधिबक्ता प्रेम पौडेल र सह–न्यायधिबक्ता गोकर्ण घिमिरे लगायतले बहस प्रस्तुत गर्नेछन् । लामिछानेको पक्षबाट वरिष्ठ अधिवक्ता सुशील पन्त र बरिष्ठ अधिवक्ता नारायण कंडेलले बहस गर्ने बताईएको छ ।

लामिछानेविरुद्ध बुटवलको सुप्रीम सहकारीको बचत ठगी आरोपमा रुपन्देही अदालतमा आइतबार पूरक मुद्दा दर्ता भएको थियो। यस घटनामा लामिछाने, छविलाल जोशी, जीबी राई लगायत ४२ जना व्यक्तिविरुद्ध मुद्दा दर्ता गरिएको छ।

Comments

प्रकाशित मिति : 2025-01-22

अरु समाचार

© NewsNepal 2018 - All Right Reserved.
newsnepal.com 2017.hlon.org