ताजा समाचार

बङ्गलादेश एयरलाइन्सको विमानमा बमको धम्की

विश्व प्रवास
-
       

काठमाडौं । बङ्गलादेश एयरलाइन्सको विमानमा बम राखेको धम्की आएको छ । इटालीको रोमबाट ढाकाका लागि उडेको विमानमा फोनबाट बम राखेको धम्की आएको हो । उक्त कल ढाकाको हजरत शाहजलाल अन्तर्राष्ट्रिय विमानस्थलमा अज्ञात नम्बरबाट आएको जानकारी दिइएको थियो ।

विमानस्थलका कार्यकारी निर्देशक समूह क्याप्टेन कमरुल इस्लामले सो कुराको पुष्टि गरे । रोमबाट ढाकाका लागि उडेको विमान बीजी–३५६ मा बम आक्रमणको धम्की दिइएको उनले बताए ।

विमानले बिहान ९ः२० मा हजरत शाहजलाल विमानस्थलमा आकस्मिक अवतरण गरेको थियो । विमानका २५० यात्रु र १३ चालक दलका सदस्यलाई विमानबाट निकालेर टर्मिनलमा ल्याइयो ।

Comments

प्रकाशित मिति : 2025-01-22

अरु समाचार

© NewsNepal 2018 - All Right Reserved.
newsnepal.com 2017.hlon.org