नेप्से परिसूचकमा उच्च अंकको वृद्धि

Breaking News

काठमाडौं । पहिलो बजार मापक परिसूचक नेपाल स्टक एक्सचेञ्ज (नेप्से)मा बुधबार उछाल आएको छ । आज एकै दिन नेप्से ५२.३६ अंकले बढेर २६६५.४५ विन्दुमा पुगेको छ ।

अघिल्लो साता लगातार घटेर २६ सयको विन्दुभन्दा तल ओर्लिएको नेप्सेमा आज भने उछाल आएको हो । आज एकै दिन ९ अर्ब २० करोड ३० लाख ८८ हजार रुपैयाँ बराबरको १ करोड ७६ लाख ९२ हजार ८१९ कित्ता शेयर कारोबार भएको छ । आज नेप्से २ प्रतिशतले बढ्दा १९६ वटा कम्पनीको शेयर मूल्य बढेको छ भने ३७ वटा कम्पनीको शेयर मूल्य घटेको छ । ९ वटा कम्पनीको शेयर मूल्य भने स्थिर हरेको छ ।

आज ३२२ वटा कम्पनी कारोबारमा आउँदा ९० हजार ६९६ पटक शेयर किनबेच भएको छ । आज बजारमा उछाल आउँदा ३ वटा कम्पनीको शेयर मूल्यमा सकारात्मक सर्किट लागेको छ भने कुनै पनि कम्पनीको शेयर मूल्यमा नकारात्मक सर्किट लागेको छैन ।

आज १३ वटा समूहमध्ये सबै समूहमा हरियाली छाएको छ । आज बजार बढ्दा अन्य समूहमा लगानीकर्ताको आकर्षण देखिएको छ । आज अन्य समूह ४.२४ प्रतिशतले बढेर २०९०.७४ विन्दुमा पुगेको छ ।

आज सबैभन्दा कम उत्पादन तथा प्रशोधन ०.०८ प्रतिशतले बढेर ७०८०.१९ विन्दुमा पुगेको छ । त्यस्तै, वाणिज्य बैंक समूह १.३२ प्रतिशतले, विकास बैंक २.७४ प्रतिशतले, होटल तथा पर्यटन २.७१ प्रतिशतले, फाइनान्स ०.८९ प्रतिशतले, हाइड्रोपावर २.१२ प्रतिशतले, लगानी ३.८२ प्रतिशतले, जीवन बीमा १.८९ प्रतिशतले, लघुवित्त १।०७ प्रतिशतले, म्युचुअल फण्ड ०.४९ प्रतिशतले, निर्जीवन बीमा १ प्रतिशतले र ट्रेडिङ समूह २.४५ प्रतिशतले बढेको छ ।

Comments

प्रकाशित मिति : 2025-01-22

नेप्से परिसूचकमा उच्च अंकको वृद्धि

Comments

अरु समाचार