सभामुखसँग आफ्नो निलम्बन फुकुवा गरिदिन रबि लामिछानेको माग

breaking news

काठमाडौं । राष्ट्रिय स्वतन्त्र पार्टीका सभापती तथा निलम्बित सांसद रवि लामिछानेले संघीय संसदको आजको बैठकबाटै निलम्बन फुकुवाको लागि सभामुखलाई निवेदन दिएका छन्।

आज निवेदन दिँदै उनले सम्पत्ति शुद्धीकरण निवारण ऐन, २०६४ को दफा २७ बमोजिम आफुलाई गरिएको निलम्बन कानुन सम्मत नरहेको दाबी गर्दै आजकै बैठकबाट निलम्बन फुकुवा गरिदिन माग गरेका हुन् ।

जवाफमा सभामुखले भने– विद्यमान कानून, संसद नियमावली, अभ्यास बमोजिम निलम्बनको निर्णय गरेको हो र कसैको दबाब, प्रभाव, पूर्वाग्रह र पक्षधरताका आधारमा होइन । हिजो यस पदमा अरु कोही थियो । आज म छु । भोलि अरु कोही हुन सक्छ । तर पदमा रहँदा कानूनको परिपालना गर्नु मेरो दायित्व हो । तपाईंहरुले निवेदन दिनुभएको छ । यो छलफल र परामर्शको विषय हो । आजलाई समय भएन । हामी संसद सुरु हुने अन्तिम समयमा छौं । सभामुखले रविले आफ्नो कुरा राखेपछि सोध्नुभयो– तपाईंविरुद्ध मुद्दा चलेको होइन र ?

त्यसो भनेपछि रविले कानून व्यवसायीलाई स्पष्ट पार्न भनेका थिए। सभामुखसँगको भेटका बेला रास्वपाका १५ जना सांसद सहभागी थिए ।