२५ प्रतिशतसम्म कर बढाउने ट्रम्पको नियम मंगलबारदेखि कार्यान्वयन हुँदै

breaking news

वाशिङ्टन।अमेरिकी राष्ट्रपति डोनाल्ड ट्रम्पले क्यानडा र मेक्सिकोबाट आयात हुने सामानमा लगाउने २५ प्रतिशत करको नियम मंगलबारदेखि कार्यान्वयनमा आउने छ। यसैगरी चीनमाथि लगाइएको १० प्रतिशत अतिरिक्त करको निर्णय पनि मंगलबारदेखि लागू हुँदैछ। यसै कारण अमेरिकाको शेयर मार्केट ओरालो लागेको छ।

अमेरिकामा बढेको अवैध आप्रवासी प्रवेशमा यी तीन देशको भूमिका भएको आरोपसहित करको निर्णय भएको हो। चिनियाँ सामानमा थप १० प्रतिशत करको मतलब अब कम्तीमा २० प्रतिशत कर लाग्ने छ । यसअघि नै १० प्रतिशत करको प्रावधान थियो।

तीनै देशले प्रतिकार स्वरूप निर्णयको पनि तयारी गरेका छन्। क्यानडाका विदेशमन्त्री मेलाइन जोलीले क्यानडाका लागि थप चुनौती सिर्जना भएको बताउँदै अहिले हजारौँ रोजगारी सङ्कटमा परेको बताइन् । उनले आफूहरूले सिर्जनात्मक सहकार्यका लागि ट्रम्पसँग कुरा राखे पनि अहिले प्रतिक्रिया स्वरूप करको निर्णयका लागि तयार भएको बताइन्।