मलेसियामा दंगामा उत्रिएका १३ नेपाली पक्राउ

काठमाडौं । मलेसिया आन्दोलन गरेर दंगा भड्काएको आरोपमा १३ जना नेपाली कामदार पक्राउ परेका छन् । मलेसियाको पेराकमा तेलुक इन्टानको चांकाट जोङमा दंगा भड्काएकाले उनीहरू पक्राउ परेका हुन् ।

हिलिर पेराकका प्रहरी प्रमुख बकरी जैनल अबिदिनले शुक्रबार बेलुकी ९ः३५ बजेतिर जालान चांकाट जोङको बाटु–८ मा कारको ठक्करबाट मृत्यु भएपछि नेपालीले हूलदंगा गरेका थिए । त्यस क्षेत्रका लगभग १ हजार कामदार घटनास्थलमा भेला भएर ट्राफिक अवरुद्ध गरेका थिए । आन्दोलन गर्ने १ हजारमध्ये १३ जनालाई पक्राउ गरिएको हो ।

‘तेलुक इन्टान जिल्ला प्रहरी मुख्यालय (आईपीडी) बाट एक टोली व्यवस्था पुनःस्थापित गर्न खटाइएको थियो, बिहान २ बजेसम्ममा स्थिति पूर्ण रूपमा नियन्त्रणमा ल्याइयो, सबै नेपाली कामदार आ–आफ्नो छात्रावासमा फर्किए,’ हिलिर पेराकका प्रहरी प्रमुख अबिदिनले भने ।

उनका अनुसार पक्राउ परेकामाथि दण्डसंहिताको धारा १४७ अन्तर्गत अनुसन्धान भइरहेको छ । हिट एन्ड रन मुद्दा सडक यातायात ऐन १९८७ को धारा ४१(१) अन्तर्गत पर्दछ ।

पक्राउ परेका सबैलाई चार दिनका लागि हिरासतमा राखिएको छ । अबिदिनले थप अनुसन्धानका लागि तेलुक इन्टान मजिस्ट्रेटको अदालतमा निवेदन दिएको बताए । ‘जनताको सुरक्षा कायम राख्न र उपयुक्त कानुनी उपायहरू लागू गर्न अधिकारीहरूले संलग्नहरूविरुद्ध कडा कारबाही गर्नेछन्,’ उनले भने ।

उनले जनतालाई घटनाको कुनै पनि जानकारी भएमा अगाडि आउन र अनुसन्धान अधिकारी मोहम्मद स्यामिललाई ०११–१००६ ५८१७ मा सम्पर्क गर्न आग्रह गरे । पक्राउ परेका नेपाली कामदार कार्यरत कम्पनी र उनीहरूको खुलाइएको छैन ।

यसअघि, फेसबुकमा विदेशी कामदारहरूको समूहले सडकमा दंगा गरिरहेको र ट्राफिक अवरुद्ध गरेको देखाउने भिडियो भाइरल भएको थियो ।

Comments