दीपक थापा नेपाल प्रहरीको ३१ औं महानिरीक्षक बन्ने लगभग पक्का

काठमाडौं । दीपक थापा नेपाल प्रहरीको ३१ औं महानिरीक्षक बन्ने लगभग पक्का भएको छ । हाल मा कार्यरत थापा प्रहरी महानिरीक्षक (आईजीपी) बन्ने पक्कापक्की भएको हो ।

अन्य दुई प्रतिस्पर्धीलाई पछि पार्दै थापा प्रहरी प्रमुख बन्ने पक्का भएको उच्च सरकारी स्रोतले सञ्चारमाध्यमलाई जानकारी दिएको छ । रातभरि निर्णयमा कुनै परिवर्तन नभए थापा नेपाल प्रहरीको नेतृत्वमा पुग्ने निश्चित भएको बुझिएको छ । विभिन्न सामाजिक सञ्जालमा पनि थापालाई अग्रिम बधाई दिईएको छ ।

निरोज पौड्याल फेसबुकमा लेख्छन् , “अग्रिम शुभकामना !  नेपाल प्रहरीको भविष्यका महानिरीक्षक (आईजीपी) श्री दीपक थापाज्यूलाई हार्दिक बधाई तथा अग्रिम शुभकामना ! देश जटिल परिस्थितिबाट गुज्रिरहेको यो घडीमा, तपाईंको नेतृत्वले नेपाल प्रहरीमा नयाँ युगको सुरुवात गर्नेछ । तपाईंको इमान्दारिता, दृढ संकल्प र कुशल व्यवस्थापनले प्रहरी संगठनमा आमूल परिवर्तन ल्याउनेछ भन्नेमा कुनै शंका छैन ।”

महानिरीक्षक वसन्त बहादुर कुँवर अवकाशमा जाने भएपछि सोमबारदेखि प्रहरी महानिरीक्षक पद रिक्त हुँदैछ । सोमबार बस्ने मन्त्रिपरिषद् बैठकले थापालाई महानिरीक्षक नियुक्त गर्न लागेको विशेष स्रोतबाट बुझिएको छ।

‘थापासँगै एआईजीद्वय सुदीप गिरी र टेकबहादुर तामाङ पनि महानिरीक्षकको प्रतिस्पर्धामा छन् । गृहमन्त्रालयको प्रस्तावमा मन्त्रिपरिषद्ले प्रहरीको महानिरीक्षक नियुक्त गर्छ । सरकार र उच्च राजनीतिक नेतृत्वबीच थापाको नाममा मोटामोटी सहमति भएको स्रोतको दाबी छ । थापाले आइतबार सरकार र राजनीतिक तहको उच्चस्तरीय भेटघाट समेत गरिसकेका छन् । थापा अहिले केन्द्रीय अनुसन्धान ब्युरो (सीआईबी) को प्रमुख छन् ।

Comments