प्रचण्डलाई भेट्न राजेश हमाल खुमलटारमा

Breaking News

काठमाडौं । महनायक राजेश हमाल माओवादी अध्यक्ष पुष्पकमल दाहाल प्रचण्डलाई भेट्न प्रचण्ड निवास खुमलटार पुगेका छन् । प्रचण्ड सचिवालयका अनुसार हमालले पूर्वप्रधानमन्त्री समेत रहेका प्रचण्डसँग उनकै निवास खुमलटारमा भेट गरेका हुन्।

हमालले भेटमा पछिल्लो समयमा विदेशी चलचित्र, खासगरी भारतीय र दक्षिण भारतीय चलचित्रले नेपाली चलचित्र उद्योगलाई पुर्‍याइरहेको असरप्रति ध्यानाकर्षण गराएका थिए।

सरकारले विदेशी विलाशिताका वस्तुहरुको आयातमा रोक लगाउने निर्णय गर्दा त्यसमा विदेशी चलचित्रलाई नसमेटेकोमा हमालले यस विषयमा असन्तुष्टि व्यक्त गरेका थिए । उनीहरूबी‍च बिहान साढे आठदेखि नौ बजेसम्म करिब आधा घन्टा कुरा भएको बुझिएको छ।

साथै, भेटका क्रममा राजनीतिक विषयवस्तुमा पनि कुरा भएको थियो। हमालले आफू राजनीतिमा आउन सक्ने संकेत पनि प्रचण्डसँग गरेको बुझिएको छ । ‘परिस्थितिले मागेको खण्डमा म राजनीतिमा आउनसक्छु,’ उनले प्रचण्डसँग भने।

प्रचण्डले हमालजस्ता व्यक्तिको राजनीतिमा खाँचो रहेको बताएका थिए। छोरी गंगा तथा संगीतकार चेतन सापकोटासँगै समूहमा भेटेका हमालसँग पछि प्रचण्डको एक्लाएक्लै पनि कुराकानी भएको थियो।

Comments

प्रकाशित मिति : 2025-03-17

प्रचण्डलाई भेट्न राजेश हमाल खुमलटारमा

Comments

अरु समाचार