राजावादी प्रदर्शनमा कहाँ चुक्यो सरकार ?

breaking news

- न्यूज नेपाल

काठमाडाैं । राजावादी शक्तिको आन्दोलन हिंसात्मक बन्दा काठमाडाैं आक्रान्त बन्यो । सरकारले सुरक्षा व्यवस्था चुस्त पार्न नसक्दा मानवीय क्षति समेत हुन पुग्यो । तर, राजावादीको प्रदर्शन र हिंसात्मक क्रियाकलापमाथि सरकारले भने कडा कारबाही गर्ने तयारी गरेको छ।

आन्दोलनको नाममा हिंसा भड्काउने काम गरेको भन्दै सरकारले अराजक गतिविधि नियन्त्रणमा लिन सुरक्षा प्रमुखसँगको छलफलपछि आवश्यक निर्णय लिएको बताएको छ।

सरकारले घाइतेको उपचार गर्ने भएको छ । घटनामा संलग्नलाई कानूनी कारबाही गर्ने गरि प्रदर्शनस्थलबाट सय बढिलाई नियन्त्रणमा लिएको छ ।

सरकारले सुरक्षा व्यवस्था मिलाउन नसकेको आरोप समेत लागेको छ । ‘निषेधित क्षेत्र तोड्न खोज्दा पनि प्रहरीले संयमता अपनाउने काम गर्‍यो । निषेधित क्षेत्र तोड्नेदेखि दुर्गा प्रसाईले सुरक्षा घेरा तोड्न खोज्दा स्थिति नियन्त्रण लिन आवश्यक सुरक्षा कारबाही गर्नु पर्थ्यो, त्यो हुन सकेन’, एक सुरक्षाअधिकारीले न्यूज नेपालसँग भने ‘प्रहरी धेरै संयम बन्न खोज्यो । दुई ठाउँको प्रदर्शनका कारण सुरक्षाकर्मी पनि अभाव देखिन पुग्यो ।’

यता राजावादी प्रदर्शनमा हिंसा भड्काएको आरोपमा प्रहरीले राप्रपाका बरिष्ठ उपाध्यक्ष रवीन्द्र मिश्र, महामन्त्री धवलशमशेर जबरा, स्वागत नेपाल लगायतका व्यक्तिलाई पक्राउ गरिसकेको छ । मिश्र र जबरामाथि प्रहरीले कारबाहीको तयारी समेत गरेको छ।

Comments

प्रकाशित मिति : 2025-03-29

राजावादी प्रदर्शनमा कहाँ चुक्यो सरकार ?

Comments

अरु समाचार