ताजा समाचार

छत्तीसगढमा प्रहरी र नक्सलवादीको मुठभेडमा १६ जना मारिए

विश्व प्रवास
-
       

काठमाडौं । भारतको छत्तीसगढको सुकमा प्रहरी र नक्सलवादीहरूको मुठभेडमा १६ जना मारिएका छन् ।

मुठभेड भारतका प्रधानमन्त्री नरेन्द्र मोदी छत्तीसगढको भ्रमणमा जानुभन्दा एक दिन घटेको हो । बस्तर प्रहरी प्रवक्ताले शुक्रबार सीआरपीएफ र जिल्ला रिजर्भ गार्डको संयुक्त टोली नक्सलवादीहरूविरुद्ध अपरेसनको लागि निस्केको जानकारी दिए । शनिबार बिहान ८ बजेतिर केरलापाल क्षेत्रमा विद्रोहीहरूसँग उनीहरुको मुठभेड भएको थियो।

यस भिडन्तमा अहिलेसम्म १६ नक्सलवादीको शव बरामद भएको प्रहरीले दाबी गरेको छ। घटनास्थलबाट ठूलो मात्रामा एके–४७, एसएलआर, इनसास राइफल, रकेट लन्चर, बीजीएल लन्चर र विस्फोटक पदार्थ बरामद गरिएको छ।

यस भिडन्तमा दुई जिल्ला रिजर्भ गार्ड जवान पनि घाइते भएका छन्। यद्यपि, उनीहरूको अवस्था सामान्य र खतरामुक्त रहेको बताईएको छ।

Comments

प्रकाशित मिति : 2025-03-29

अरु समाचार

© NewsNepal 2018 - All Right Reserved.
newsnepal.com 2017.hlon.org