आर्मीलाई हराउँदै पुलिस बन्यो प्रधानमन्त्री कप च्याम्पियन

Breaking News

काठमाडौं । प्रधानमन्त्री कप एकदिवसीय राष्ट्रिय क्रिकेट प्रतियोगिताको उपाधी नेपाल पुलिस क्लबले जितेको छ । त्रिभुवन आर्मी क्लबलाई ६ विकेटले पराजित गर्दै पुलिसले उपाधि जितेको हो ।

शनिबार रुपन्देहीको सिद्धार्थनगरको भएको फाइनल खेलमा टस जितेर पहिला फिल्डिङ गेरेको पुलिसले आर्मीलाई ४३ ओभरमा अलआउट गर्दै १५४ रनमै सिमित रोकेको थियो ।

पुलिसको जितका लागि कुशल भुर्तेलले ६१ रन बनाए । उनले ७० बलमा ७ चौका र ३ छक्क प्रहार गर्दै उक्त स्कोर खडा गरेका हुन् । त्यस्तै पुलिसका अर्का ओपनर अमित श्रेष्ठ ३९ रन बनाउँदा दिलिप नाथ ३१ रन नटआउट रहे । त्यस्तै, गुल्सन झा ९, शंकर राना १ रनमा आउट हुँदा अर्जुन साउदले नटआउट ९ रन बनाए।बलिङमा आर्मीका साहब आलमले ३ विकेट र नरेन साउदले १ विकेट हात पारे।

आर्मीका लागि बसिर अहमदले १०४ बलमा ९ चौका र १ छक्का सहित ८६ रनको नटआउट पारी खेले पनि त्यो आर्मीको जितका लागि पर्याप्त बनेन । त्यस्तै आमीका कप्तान विनोद भण्डारीले २९ रन जोड्दा ओपनर सन्तोष कार्की १, त्रृतराज दास ७, इमरान शेख ५ , नरेन साउद ७ रन र भीम सार्की ० शून्यमा आउट भए।

बलिङमा पुलिसका करण केसी र सागर ढकालले समान ३–३ विकेट हात पार्दा कप्तान दीपेन्द्रसिंह ऐरीले २, ललित राजवंशी र गुल्सन झाको नाममा ११ विकेट रह्यो।