थाइ नेपाली संघले म्यानमार भूकम्प पीडितका लागि सहयोग रकम जुटाउँदै

काठमाडौं । थाइ नेपाली संघ सेन्टर बोर्ड दुःख निवारण डिपार्टमेन्टले म्यानमार भूकम्प पीडितका लागि सहयोग संकलन गरिरहकेो छ । संघमार्फत विभिन्न व्यक्रि तथा संघसंस्थाहरुबाट सहयोग रकम आउने क्रम जारी रहेको छ । विभिन्न व्यक्तिहरुबाट भूकम्पपीडितहरुका लागि सहयोग प्राप्त भइरहेको सामाजिक सञ्जाल फेसबुकमार्फत जानकारी गराउँदै आएको छ ।

संघले म्यानमारमा केही दिनअघि गएको भूकम्पपीडितहरुलाई सहयोग गर्ने व्यक्तिहरुलाई सामाजिक सञ्जाल फेसबुक पेजमार्फत धन्यवाद ज्ञापन गरेको छ । ‘सेवा नै ठूलो मानव धर्म’ भन्दै म्यानमारमा गएको ठूलो विनाशकारी भूकम्पका कारण दुःख आपतमा परेकाहरु दुःख निवारणका लागि विभिन्न व्यक्तिहरुले सहयोग राशि प्रदान गरेर मानव धर्म गरेको संघले जनाएको छ । सहयोग गर्ने सबै व्यक्तिको नाम, फोटो र सहयोग रकमको प्रमाण संघको फेसबुक पेजमा राखिको छ ।

म्यानमारमा गत शुक्रबार गएको भूकम्पमा परि हालसम्म दुई हजार बढीले ज्यान गुमाएका छन् । उद्धारकर्ताहरुले भग्नावशेषमुनि अझै पनि जीवित व्यक्ति फेला पारेको भन्दै म्यानमार र थाइल्याण्डमा उद्धारकार्य जारी राखेका छन् । युद्धग्रस्त म्यानमारमा सैन्य सरकार जुन्ताले भूकम्प प्रभावित क्षेत्रहरुमा सैन्य अपरेशन स्थगित गरेको अन्तराष्ट्रिय सञ्चारमाध्यमले जनाएका छन् । उद्धारकार्यमा सघाउ पुर्याउन चीन, हङकङ, भारत, मलेसिया, फिलिपिन्स, भियतनाम, इण्डोनेसिया, आयरल्याण्ड, दक्षिण कोरिया र न्युजिल्याण्डले आफ्ना टोली म्यानमारमा खटाएका छन् ।

Comments