अग्नी सापकोटाविरुद्धको मु्द्दा सर्वोच्चमा आज सुनुवाई नहुने

Blog

- न्यूज नेपाल

काठमाडाैं । नेकपा माओवादी केन्द्रका उपाध्यक्ष समेत रहेका प्रवक्ता अग्नी सापकोटाविरुद्ध सर्वोच्चमा चलिरहेको मुद्दाको सुनवाई आज नहुने भएको छ ।

संवैधानिक इजलासमाा रहेको मुद्दाको सुनुवाई प्रधानन्यायाधीश प्रकाशमानसिंह राउत भारत भ्रमणमा रहेका कारण नहुने भएको हो । संवैधानिक इजलासको मुद्दा सुनुवाईका लागि प्रधानन्यायाधीश अनिवार्य हो ।

प्रधानन्यायाधीश राउत २९ गतेमात्रै नेपाल फर्किने कार्यतालिका छ । यस्तो स्थितिमा सर्वोच्चको संवैधानिक इजलास बस्न सम्भव नभएकाले अर्को पेशी नै कुर्नुपर्ने देखिन्छ ।

उसोतः अग्नीविरुद्धको ज्यान मुद्दा यसअघि फैसलाको चरणमा पुगेपछि निर्णय सुनाउने पेशी तोकेर धकेलिएको थियो । तत्कालीन प्रधानन्यायाधीश विश्वम्भरप्रसाद श्रेष्ठले निर्णय सुनाउने भन्दै पेशी तोकेपनि मुद्दालाई लथालिङ्ग छाडिदिएका थिए । त्यसपछि फेरि यो मुद्दाको सुरुदेखि सुनुवाई चलिरहेको छ ।

अग्नीविरुद्ध २०६८ असार ६ गतेदेखि सर्वोच्चमा ज्यान मुद्दा विचाराधिन अवस्थामा छ ।