ताजा समाचार

राष्ट्रपतिद्वारा संसद्को अधिवेशन आह्वान

Blog
-
       

काठमाडौं । राष्ट्रपति रामचन्द्र पौडेलले संघीय संसद्को दुवै सदनको अधिवेशन आह्वान गरेका छन् । मन्त्रिपरिषद्को मंगलबार बसेको बैठकको सिफारिसमा राष्ट्रपतिले आगामी बजेट अधिवेशन बोलाएका हुन् ।

राष्ट्रपति कार्यालयले बुधबार जारी गरेको विज्ञप्तिअनुसार संविधानको धारा ९३ को उपधारा १ बमोजिम संसद्को अधिवेशन वैशाख १२ गते शुक्रबार दिउँसो १ बजेका लागि आह्वान गरिएको हो ।

सरकारका अनुसार यो अधिवेशन बजेटसम्बन्धी कार्यसूचीका साथै संघीय संसद्मा विचाराधीन रहेका महत्वपूर्ण विधेयकहरू अघि बढाउन र पारित गर्न प्रयोजनका लागि आह्वान गरिएको हो । विशेष गरी विद्यालय शिक्षा विधेयक यथाशीघ्र पारित गर्ने उद्देश्यले यो अधिवेशनलाई महत्वका साथ हेरिएको छ ।

सरकारले उक्त विधेयकलाई समावेशी, गुणस्तरीय र पहुँचयुक्त शिक्षा सुनिश्चित गर्नका लागि अपरिहार्य मानेको छ । त्यसैअनुसार संसद्को यो अधिवेशनलाई विधायन प्रक्रियालाई गति दिने अवसरको रूपमा लिइएको छ ।

Comments

प्रकाशित मिति : 2025-04-16

अरु समाचार

© NewsNepal 2018 - All Right Reserved.
newsnepal.com 2017.hlon.org