सेयर बजार परिसूचकमा २६.४९ अंकको वृद्धि

अर्थ र बाणिज्य

काठमाडौं । साताको अन्तिम कारोबार दिन सेयर बजार २६.४९ अंकले वृद्धि भएको छ । यस वृद्धि पछि नेप्से परिसूचक २७२२ अंकमा कायम भएको छ । १ः४५ बजे नेप्से २७४० अंकसम्म पुगेको थियो ।

साथै, बजारसँगै कारोबार रकम पनि बढेको छ । आज १० अर्ब ७९ करोडको कारोबार भएको छ, जुन अघिल्लो दिनको ७ अर्ब २६ करोडको तुलनामा बढेको हो । आज व्यापार बाहेक सबै सेक्टरका सूचक बढेका छन् । व्यापार सूचकमा ०.१५ प्रतिशत घट्यो ।

लगानी समूह २.९९ प्रतिशत, बैंकिङ १.१४ प्रतिशत, विकास बैंक १.३५ प्रतिशत, फाइनान्स ०.७२ प्रतिशत, होटल तथा पर्यटन ०.३९ प्रतिशत, हाइड्रोपावर १.१३ प्रतिशत, जीवन बीमा ०.८४ प्रतिशत, उत्पादन तथा प्रशोधन ०.०५ प्रतिशत, माइक्रोफाइनान्स ०.६३ प्रतिशत, निर्जीवन बीमा ०.९६ प्रतिशत र अन्य ०.३७ प्रतिशत बढेका छन् ।

नेपाल माइक्रो इन्स्योरेन्स र क्रेस्ट माइक्रोलाइफ इन्स्योरेन्सको मूल्य १० प्रतिशत बढेको छ । एचआईडीसीएलको ६.८२ प्रतिशत, सुपरमादी हाइड्रोपावरको ६.६७ प्रतिशत र कर्पोरेट डेभलपमेन्ट बैंकको ५.८४ प्रतिशत मूल्य वृद्धि भएको छ ।

बोटलर्स नेपाल बालाजुको मूल्य ४.४ प्रतिशत घटेको छ । आज हिमालयन पावर पार्टनरको १ अर्ब ५८ करोडको कारोबार भएको छ । त्यसपछि एनआरएन इन्फ्रास्ट्रक्चर, एचआईडीसीएल, ङादी ग्रुप र राधि विद्युत् कम्पनीहरूले बढी कारोबार गरेका छन् ।

Comments

प्रकाशित मिति : 2025-04-17

सेयर बजार परिसूचकमा २६.४९ अंकको वृद्धि

Comments

अरु समाचार