रास्वपामा भाँडभैलोः कोशी प्रदेश इन्चार्जले दिए राजीनामा

breaking news

- न्यूज नेपाल

काठमाडाैं । राष्ट्रिय स्वतन्त्र पार्टीभित्रको विवाद चर्किन थालेको छ । रास्वपा कोशी प्रदेश इन्चार्जले आफूलाई पार्टीले बर्खास्त गरेको भन्दै पदबाट राजीनामा दिएका छन् ।

कोशी प्रदेश इन्चार्ज समेत रहेका संगठन विभागका सदस्य ओमनाथ भण्डारीले बिहीबार बसेको केन्द्रिय समिति बैठकले आफूलाई सोध्दै नसोधि जिम्मेवारी मुक्त गरेको भन्दै साधारण सदस्यमात्रै रहने गरि राजीनामा दिएका हुन् ।

‘आजको मितिसम्म राष्ट्रिय स्वतन्त्र पार्टी, कोसी प्रदेशको इन्चार्ज र केन्द्रीय संगठन विभाग सदस्यको भूमिका निर्वाह गरिरहेको थिएँ,’ भण्डारीले भनेका छन्, ‘सायद पार्टीले वैकल्पिक राजनीतिक दल रास्वपामा ‘एक पद एक व्यक्ति’ हुनुपर्छ भन्ने अवधारणा अनुसार कामकारबाही अगाडि बढाउँन होला, केन्द्रीय नेतृत्वले मलाई प्रदेश इन्चार्जको जिम्मेवारीबाट बर्खास्त गर्‍यो ।’

आफुलाई जिम्मेवारीबाट हटाएको विषयमा उनले मूल्य मान्यताविपरित आफूलाई बर्खास्त गरेको आरोप लगाएका छन् । यस्तै, पार्टी सहमहामन्त्री सुमना श्रेष्ठको राजीनामा पनि चर्चामा छ ।

सुमनाले गलत समयमा आफ्नो राजीनामा बाहिर ल्याएको भन्दै असन्तुष्टी पोखेकी छन् । रास्वपाका कार्यबहाक सभापति डीपी अर्यालको नेतृत्वमा बसेको बैठकले यस्तो निर्णय गरेको हो ।

रासँपा सभापति रवि लामिछाने सहकारी ठगी प्रकणमा पूर्पक्षका लागि थुनामा गएपछि रास्वपाको विवाद थप चर्किन थालेको छ । उसोतः केहिले रास्वपाभित्र भाँडभैलो मच्चिन लागेको भन्दै अनेक टिप्पणी समेत गर्न थालेका छन् ।