वर्षा बाधक बन्दा विश्वकपमा पुग्ने नेपालको सपना चकनाचुर

Blog

काठमाडौं । काठमाडौंको मुलपानीमा जारी आइसिसी यू–१९ विश्वकप २०२६ मा छनोट प्रतियोगिताको खेल अवरुद्ध हुँदा विश्वकमा पुग्ने नेपालको सपना तहसनहस भएको छ ।

आज शनिवार आइसिसी यू–१९ विश्वकपअन्तर्गत एसिया छनोटअन्तर्गत अफगानिस्तनविरूद्धको निर्णायक खेल वर्षाका कारणले स्थगित भएपछि रनरेटका आधारमा नेपाललाई पछि पार्दै अफगानिस्तान विश्वकपमा छनोट भएको ।

शनिबार बिहानसम्म भएको वर्षाका कारण मैदानको पूर्वपट्टिको भागमा पानी जमेको थियो। बिहान टसमा ढिलाए भएपछि ग्राउन्ड स्टाफले मैदानबाट पानी सुकाउन हरसम्भव प्रयास गरेका थिए।

एक बजेपछि मैदानमा घाम लागे पनि दुई बजेसम्म पनि खेल हुन सम्भव भएन। दिउँसो दुई बजेको अन्तिम निरीक्षणपछि म्याच रेफ्रीले खेल रद्द भएको घोषणा गरे। खेल रद्द भएपछि दुवै टोलीले एक–एक अंक बाँडे।

लिग चरणमा नेपाल र अफगानिस्तान दुवैले सुरूवाती तीन तीन खेलमा जित निकालेका थिए। दुवै टोलीले लिग चरणमा युएई, हङकङ र ओमानलाई हराएका थिए।

प्रतियोगितामा अफगानिस्तानको रनरेट ४.८१७० रहँदा नेपालको ३.५७६४ थियो । एसिया छनोटबाट एक टोलीमात्र विश्वकपमा पुग्ने व्यवस्था छ।