ताजा समाचार

तीव्र गतिको कार रूखमा ठोक्किँदा एकको मृत्यु, तीन जना घाइते

Blog
-
       

काठमाडौं । कोसी राजमार्गअन्तर्गत सुनसरीको इटहरीमा भयानक कार दुर्घटना भएको छ ।

जिल्ला प्रहरी कार्यालय सुनसरीका अनुसार इटहरी उपमहानगरपालिका–२०, पानीपिया जंगलमा शनिबार राति ११ बजेतिर प्र–०१–०३० च ४६१८ नम्बरको कार आफैँ अनियन्त्रित भएर दुर्घटना भएको हो। उक्त दुर्घटनामा एक जनाको मृत्यु भएको छ भने ३ जना घाइते भएका छन्।

दुर्घटनामा कारमा सवार इटहरी–१ का ४० वर्षीय विष्णु राउतको मृत्यु भएको हो। त्यस्तै, घाइते हुनेमा कार चालक सुनसरीको रामधुनी नगरपालिका–७ का ३० वर्षीय विवेक लामा, यात्रुहरू इटहरी–४ का ४३ वर्षीय गंगा बस्नेत र इटहरी–१ का ३१ वर्षीय कल्याण कटुवाल रहेका छन्।

कारमा चालकसहित ४ जना सवार उक्त कार धरानबाट इटहरीतर्फ जाँदै गर्दा अनियन्त्रीत भएर रुखमा ठोकिन पुगेको थियो ।

Comments

प्रकाशित मिति : 2025-04-20

अरु समाचार

© NewsNepal 2018 - All Right Reserved.
newsnepal.com 2017.hlon.org