ताजा समाचार

अमेरिकी हवाई आक्रमण १२ जना हुथी विद्रोहीको मृत्यु

विश्व प्रवास
-
       

काठमाडौं । अमेरिकाले यमनमा हुथी विरुद्ध ठूलो हवाई आक्रमण गरेको छ । यमनको राजधानी सानामा विद्रोहीलाई निशाना बनाएर आक्रमण गरिएको हो ।

सोमबार हुथी विद्रोहीले दिएको जानकारी अनुसार अमेरिकी हवाई आक्रमणमा १२ जना मारिएका छन् भने ३० जना घाइते भएका छन् ।

यद्दपि अमेरिकी सेनाले आक्रमणको पुष्टि गरेको छैन । हुथी विद्रोहीका अनुसार यो आक्रमण सानाको शूब जिल्लाको फरवा बजारमा गरिएको हो ।

अमेरिकी सेनाले यस क्षेत्रमा पहिले पनि आक्रमण गरेको थियो । सोमबार रातभर अमेरिकाले हवाई आक्रमण गरेको बताइएको छ ।

यमनको अन्य क्षेत्रलाई पनि निशाना बनाइएको छ । गत साता अमेरिकाले यमनको रस ईसा इन्धन बन्दरगाहमा हवाई आक्रमण गरेको थियो । जहाँ ७४ जना मारिएका छन् भने १७१ जना घाइते भएका थिए ।

Comments

प्रकाशित मिति : 2025-04-21

अरु समाचार

© NewsNepal 2018 - All Right Reserved.
newsnepal.com 2017.hlon.org