राष्ट्रिय क्रिकेट टोलीका प्रशिक्षक ‘स्टुअर्ट ल’ शुक्रबार नेपाल आउने

breaking news

काठमाडौं । नेपाली राष्ट्रिय क्रिकेट टोलीका नवनियुक्त प्रशिक्षक स्टुअर्ट ल आगामी शुक्रबार नेपाल आइपुग्ने भएका छन् । उनी यही अप्रिल २५ अर्थात् शुक्रबार नेपाल आइपुग्ने जानकारी नेपाल क्रिकेट संघले दिएको छ ।

उनलाई गत चैत १५ गते नेपाली टोलीको मुख्य नियुक्त गरिएको थियो । उनी न्युक्त भएको करिब १ महिना पछि जिम्मेवारी सम्हाल्न नेपाल आउने भएका हुन् । अहिले नेपाली टोलीमा प्रमुख प्रशिक्षकको जिम्मेवारी पूर्व नेपाली क्रिकेट खेलाडी ज्ञानेन्द्र मल्लले सम्हालि रहेका छन् ।

गत जनवरीमा यसअघिका प्रशिक्षक मोन्टी देशाईसँगको सम्झौता सकिएको र नवीकरण समेत नभएको अवस्थामा रिक्त रहेको पदमा आवेदनपश्चात् स्टुअर्टको इन्ट्री भएको हो । ५६ वर्षीय लको पदावधी अप्रिलदेखि दुई वर्षको लागि हुनेछ ।

अनुभवी प्रशिक्षक लले श्रीलंका, बंगलादेश, वेष्ट इन्डिज, अफगानिस्तान र अमेरिकाको मुख्य प्रशिक्षक भएर काम गरिसकेका छन् । उनी सन् १९९६ को विश्वकपमा अष्ट्रेलिया उपविजेता हुँदा त्यसको सदस्य थिए ।