ओलीको जवाफले गगन थचक्कै, देउवा पनि ‘इरिटेड’

काठमाडाैं । कांग्रेस महामन्त्री गगन थापाको हिरोइजममा प्रधानमन्त्री केपी ओलीले पानी खन्याइदिएका छन् ।

प्रधानमन्त्रीको बेडरुमसम्म विचाैलिया पुग्छन भन्दै हाइहाई कमाएका गगनलाई प्रधानमन्त्री ओलीले प्रमाणित गर्न सार्वजनिक चुनाैति दिएपछि गगन चुप लागेका छन् ।

कांग्रेसमा कहिले कता त, कहिले कता गुट फेरेर पदीय स्वाद लिदै आएका गगनले पछिल्लो समय कांग्रेस सभापति शेरबहादुर देउवासँग निकटता बढाउने प्रयास गरिरहेका छन् । देउवासँग निकटता बढाएर सभापति हत्याउने ठानेका गगनले आफूलाई सुपेरियर ठान्दा विचाैलिया प्रकरण भारी पर्न गएको हो ।

कांग्रेस सभापति देउवाले नै गगनले धेरै बोलेर आफैलाई हानी गर्ने गरेको सार्वजनिक अभिव्यक्ति नै दिएका थिए । कम बोल्नेले काम फत्ते गर्ने, धेरै बोल्नेले आफैलाई हानी पुर्‍याउने भनेका देउवाले पछिल्लो समय गगनको भूमिकालाई निगरानीमा राखेको स्रोतको दाबी छ ।

उसोतः आफैलाई प्राथमिकतामा राख्ने गगनले प्रधानमन्त्रीमाथि लगाएको गम्भीर आरोपबारे बालुवाटारमा भएको ओली देउवाको छलफलको क्रममा समेत बहस भएको स्रोतको दाबी छ । त्यो क्रममा देउवाले सार्वजनिक रुपमा आरोप पुष्टी गर्नुपर्ने र सोहिअनुसार गर्नुपर्ने भनेको दाबी गरिएको छ।

विचाैलिया प्रकरणसंगै सरकार अब लामो समय नचल्ने हल्ला चलाएर आफ्ना मान्छेलाई सरकारी नियुक्ति दिलाउने तयारीमा जुटेका गगनलाई देउवाले समेत माथ खुवाइदिएपछि अब गगनले के गर्लान भन्ने चासो समेत कांग्रेस भित्रै बढेको छ ।

गुट फेर्ने, बोली फेर्ने र स्वार्थ लिन माहिर गगनको चरित्र उदाङ्गो बन्दै गएको स्थितिमा के प्रधानमन्त्री ओलीले प्रमाणित गर्न दिएको चुनाैतिको सामना गर्न सक्लान ? सामान्य कर्मचारी नियुक्तिका लागि हदैसम्म गिर्न थालेका गगनलाई अब देउवाले साथ दिने वातावरण बन्ला ? यस्तै प्रश्नको विवेचना चिया चाैतारीमा समेत हुने गरेको छ । तर, गगन पछिल्लो समय अन्टसन्ट बोल्दाको परिणामपछि माैन देखिन थालेका छन् ।

Comments