भारतीय ‘एयरस्पेस’ पाकिस्तानी विमानका लागि बन्द

विश्व प्रवास

काठमाडौं । पहलगाममा आतंकबादी आक्रमणपछि भारत र पाकिस्तान बिच तनाब बड्दो अवस्थामा रहेको छ । त्यहि अवस्थामा दुवै देश बिच जुनसुकै समयमा युद्धको सुरुवात हुन सक्ने अनुमानहरु भइरहेका छन् ।

दुवैदेश बिच बढ्दो तनाबका बीच बीच भारतले बुधबारदेखी पाकिस्तानी विमानका लागि आफ्नो ‘एयरस्पेस’ हवाई क्षेत्र बन्द गरेको जनाएको छ ।

समाचार एजेन्सी पीटीआईका अनुसार यो बन्द १ मेदेखि २३ मेसम्म लागू हुनेछ। यस सम्बन्धमा बुधबार साँझ एयरपोर्ट्स अथोरिटी अफ इन्डिया (एएआई)ले एक नोटम(नोटिस टू एयरमेन) जारी गरेको छ ।

यो बन्द पाकिस्तानमा पञ्जिकृत विमान, पाकिस्तानी एयरलाइन्स र अपरेटरका तर्फबाट चल्ने, यसको स्वामित्व, या भाडामा दिइएका विमान भारतीय हवाई क्षेत्रमा प्रवेश गर्न पाउने छैनन् ।

यो प्रतिबन्द पाकिस्तानी सैन्य विमानमा पनि लागू हुने एक वरिष्ठ सरकारी अधिकारीले पीटीआईसँग भनेका छन् ।

भारत र पाकिस्तानबीच सिधा उडान छैन । पाकिस्तानी एयरलाइन्स सिंगापुर, मलेशिया र अन्य पूर्वी एशियाली देशमा आफ्नो उडानका लागि भारतीय हवाई क्षेत्रको प्रयोग गर्छन् ।

२२ अप्रिलमा पहलगाममा भएको आतंकवादी आक्रमणपछि पाकिस्तानविरुद्ध भारतले २३ अप्रिलमा कयौं कदम उठाएको थियो । यसमा सिन्धु जल सम्झौता निलम्बित, अटारीमा एक मात्र सञ्चालनमा रहेको क्रसिङ बोर्डर बन्द र राजनीतिक सम्बन्धलाई कम गरिएको थियो ।

यसको जवाफमा पाकिस्तानले भारतीय विमानका लागि आफ्नो हवाई क्षेत्र बन्द गर्दै तेस्रो देशमार्फत् भारतसँगको सबै व्यापार सम्बन्ध निलम्बित गरेको थियो ।

सिन्धु जल सम्झौतालाई लिएर पाकिस्तानले यदि पानी रोकियो भने त्यसलाई युद्धको सुरुवात मानिने चेतावनी दिएको छ ।