वामदेवसँग एमाले सांसद सुर्य थापाको अर्थपूर्ण भेट

New Post

- न्यूज नेपाल

काठमाडाैं । नेकपा एकता अभियानका संयोजक वामदेव गाैतम र एमाले सांशद सुर्य थापाबीच अर्थपूर्ण भेटवार्ता भएको छ ।

शनिवार बिहानै गाैतमको भैसेपाटिस्थित निवासमा भएको भेटवार्ताको तस्विर सेयर गर्दै थापाले प्रतिनिधिसभा र राष्ट्रियसभा सदस्यको हैसियतमा भेटेको दाबी गरेका छन् ।

थापाले भेटपछि भनेका छन्, ‘वरिष्ठ राजनीतिज्ञ राष्ट्रियसभा सदस्य कमरेड वामदेव गौतमसॅग भैंसेपाटीस्थित निवासमा महत्वपूर्ण भेटघाट भएको छ। मूलतः प्युठानमा उहॅाको समयमा थालनीको प्रक्रियामा रहेका केही कामहरूप्रतिको लगाव र जोड जिउॅदो- जाग्दो नै रहेको छ।हामीले प्रतिनिधिसभा र राष्ट्रियसभा सदस्यको हैसियतमा दुबैले आआफ्नो निर्वाचन क्षेत्र र जन्मथलोका लागि मिलेर केही गर्न लागिपर्ने समझदारी थालेका छौं।’

सरकरको नीति तथा कार्यक्रम सार्वजनिक गर्ने कार्यक्रममा संघीय संसदको दुबै सदनको संयुक्त बैठकमा गाैतम माधव नेपालसंगै बसेका थिए । त्यसपछि गाैतमले संक्षिप्त प्रतिक्रिया दिदै अब नेकपा एससँग एकीकरणमा जाने समेत बताएका थिए । यसको भोलिपल्टै थापाले भेटेपछि यसले नयाँ तरङ्ग पैदा गरिदिएको छ ।

प्रधानमन्त्री केपी ओलीको विशेष दूत बनेर सांसद थापा गाैतम निवासमा पुगेको चर्चा चलिरहेको छ ।