क्याम्पसको सम्पतीमा नेविसंघको श्रङ्खलाबद्ध आक्रमण, पब्लिक युथको घटना सेलाउन नपाउँदै आरआरमा तोडफोड

कतै चुनाव हुन नदिन तोडफोड, कतै हुनुपर्छ भरेर तोडफोड

breaking news

- न्यूज नेपाल

काठमाडौं । स्वतन्त्र विद्यार्थी युनियनको चुनाव गर्नुपर्ने माग राख्दै नेपाली कांग्रेसको भातृसंगठन नेविसंघले आरआर क्याम्पसमा तोडफोड गरेको छ ।

निर्वाचन समितिले स्ववियुको नेतृत्व सर्वसम्मत चयन गरेको भन्दै कांग्रेसनिकट नेविसंघले प्रदर्शनीमार्गस्थित आरआर क्याम्पसमा तोडफोड गरेको हो ।

सर्वसम्मत रुपमा नेतृत्व चयन गरिसकेपछि नेविसंघको एउटा समूहले त्यसको विरोध गर्दै आएको थियो । तोडफोडका क्रममा क्याम्पसको महत्वपूर्ण कागजात च्यातिएको छन् भने, प्रशासन कक्षमा रहेका ल्यापटप र कुर्सीसमेत तोडफोड गरेका छन् ।

सामाजिक सञ्जालमा भाईरल बनेको भिडियोमा आक्रोशीत नेविसंघका कार्यकर्ताले ल्यापटप र कुर्सी माथिल्लो तलबाट झट्टी हानेर फ्याँकेका देखिन्छ ।

पब्लिक युथमा नेविसंघ कार्यकर्ताले गरेको तोडफोड,

त्यस्तै कांग्रेस निकट सोहि नेविसंघले केही समय अघि पब्लिक युथ क्याम्पसमा पनि तोडफोड गरेको थियो ।

त्रिविको व्यावस्थापन संकाय अन्तरगत व्यावस्थापन संकाय पढाइ हुने पब्लिक युथ क्याम्पसमा नेविसंघले स्ववियुको चुनाव हुन नदिन साथ तोडफोड गरेको थियो । उक्त तोडफोडबाट क्याम्पसको आईटी कक्षमा भएका कम्युटर, ल्यापटप, प्रिन्टर फुटाइएको थियो ।

पब्लिक युथ क्याम्पस स्रोतका अनुसार तोडफोडबाट लाखौंको क्षति हुनुका साथै, महिना दिनसम्म आईटी कक्ष सञ्चालनमा नआउँदा विद्यार्थीले मर्का व्यहोर्नु परेको थियो ।