प्रधानमन्त्रीले सम्झीए मार्सी चामल भात ! भने ‘मैले पनि चाखेको छु’

काठमाडौं । आज आइतबार प्रतिनिधिसभाको बैठकमा सांसदहरुले उठाएको प्रश्नको जवाफ दिँदै गर्दा प्रधानमन्त्री केपी शर्मा ओलीले कर्णालीको मार्सी चामलको चर्चा गरेका छन् ।

संसद बैठकमा सांसदहरूले उठाएको प्रश्नको जवाफ दिन रोस्ट्रममा पुगेका प्रधानमन्त्री ओलीले मार्सी चामलको चर्चा गरेका हुन् । उनले आफूले पनि मार्सी चामल खाएको र त्यसले चर्चा पाएको पनि बताए ।

‘चन्दननाथमा एयरपोर्ट नै छ । अगाडिदेखि त्यहाँ सन्त चन्दनाथले मार्सी चामल ल्याएर अहिले मार्सी चामल व्यापकै रुपमा चर्चित पनि छ,’ प्रधानमन्त्री ओलीले भने, ‘कर्णाली, जुम्लाको मार्सी चामल । मैले पनि कर्णालीको मार्सी चामल चाखेको कुरा यहाँहरूलाई जानकारी नै छ ।’

आज, सन्दर्भ फरक परे पनि प्रधानमन्त्रीले बिबादस्पद व्यवसायी दुर्गा प्रसाईंको सानोठिमी निवासमा उनले नेकपा एकता अघि माओवादी अध्यक्ष पुष्पकमल दाहाल प्रचण्डसँगै मार्सी चामल खाएका थिए, जसले प्रधानमन्त्री ओलि र प्रचण्डलाई बेला बेलामा चर्चामा ल्याउने गरेको छ ।

नेपालको जुम्ला जिल्लाको सीमित मात्रामा उत्पादित हुने स्थानीय जातको धान हो । संसारमै सवैभन्दा उंचाई अर्थात समुन्द्र सतहबाट करीव ३ हजार मिटरसम्म उत्पादन हुने जुम्ली मार्सी धान जुम्लाको हावापानिमा मात्र हुने दुर्लभ प्रजातिको धान हो । यसको स्वाद, रोग र किराको प्रतिरोध गर्न सक्ने गुण र पोषक तत्वको कारण जुम्ली मार्सी धानको महìव अन्तर्राष्ट्रिय जगत्सम्म पुगेको छ ।

Comments