तीनकुने घटनाको मातापिता को हुन् ? राजावादीलाई प्रधानमन्त्रीको प्रश्न !

काठमाडौं । राजतन्त्र र हिन्दु राष्ट्रको माग सहित गत चैत १५ गते काठमाडौंको तीनकुनेमा राजावादीहरुले गरेकोे हिंसात्क प्रर्दशनको जिम्मा कसैले नलिएको बताएका छन् ।

आज(आइतबार) बैशाख २८ गते बसेको प्रतिनिधिसभाको बैठकमा प्रधानमन्त्री केपी शर्मा ओलीले राजतन्त्र पक्षधरलाई चैत १५ गते काठमाडौंको तीनकुनेमा भएको हिंसात्मक प्रदर्शनीको जिम्मेवारीबाट पन्छिएको आरोप लगाएका हुन् ।

उनले भने, ‘आह्वान कल्ले गरेको थियो चैत्र १५ गतेको ? त्यस वितण्डाको आयोजक को थियो ? अहिले कोही माईबाप नै निस्किँदैन त्यो दिनको घटनाको । बेवारिस !’, ओलीले भने, ‘जन्माउने को हो ? मातापिता को हुन्‌ ? पत्तो छैन अहिले त ! तपाईं हो भन्दा ‘म त होइन’ भन्छ…तपाईं हो भन्दा म त होइन…। कोही पनि होइन भन्छ, सबै निर्दोष छ । के ती घर आफैँ दशा लागेर जले । के त्यो जडीबुटीको औषधी कारखाना दिक्क लागेर अब आफैँ जल्छु भनेर आत्मदाह गरेको हो त्यल्ले ? त्यत्रो गरेको छ त ! मान्छे को हो ?’

बैठकमा बोल्दै प्रधानमन्त्रीले चैत १५ गतेको हिंसात्मक प्रदर्शनबारे राजतन्त्र पुनःस्थापना पक्षधर सांसद्‌हरूलाई प्रश्न गरे । ओली संसद्‌मा सरकारका नीति तथा कार्यक्रममाथि सांसद्‌ले गरेका प्रश्नको जवाफ दिँदै यस विषयलाई पनि उठाएका हुन् ।

अकल्पनीय रुपमा आन्दोलनकारीहरु उग्र बनेर एकाएक हिंसात्मक बनेको उक्त आन्दोलनमा एक पत्रकार सहित दुईजनाको मृत्यू भएको थियो भने, धेरै प्रहरी तथा प्रर्दशनकारी घाईते हुनुका साथै विभिन्न संरचनामा तोडफोड, आगजनी, लुटपाट र चोरि भएको थियो । उक्त घटनामा संलग्न भएको आरोपमा विभिन्न व्यक्तिहरुलाई प्रहरीले अनुसन्धान गरिरहेको छ ।

Comments