काठमाडौंमा ग्याँस लिक भएर आगलागी हुँदा महिलाको ज्यान गयो, दुईटा घर सखाप !

प्रदेश

- न्यूज नेपाल

काठमाडौं । आज एका बिहानै काठमाडौंको मख्खन गल्लीमा एकजनाको ज्यान जाने गरेर भयानक आगालागी भएको छ । बिहान करिब ६ः५० बाट सुरज आर्केड पछाडि रहेको चार तले कच्ची घरमा एकाएक भयानक आगलागी भएको हो ।

काठमाडौं महानगरपालिका–२४ वडामा पर्ने मखन गल्लीको सुरज आर्केड पछाडि रहेको घरमा एका बिहानैबाट लागेको आगो नेपाल प्रहरी, शसस्त्र प्रहरी, नेपाली सेना, अग्नी नियन्त्रक र स्थानियको संयुक्त पहलमा नियन्त्रणमा आइसकेको काठमाडौं जिल्ला प्रहरी परिसले जनाएको छ । त्यस्तै, उक्त आगो निभाउन काठमाडौं र ललितपुरका ६ वटा दमकल प्रयोग गरिएको थियो ।

दयाराम श्रेष्ठको माटो र काठले बनेको कच्ची घरको तेस्रो तल्लामा खाना पकाउने एलपिजी ग्यास लिक भई सुरु भएको आगलागीमा परेर एक महिलाको मृत्यु भएको पुष्टि भएको छ । उनको सनाखत भने हुन बाँकि रहेको जनाइएको छ ।

आगो, दयारामको घरसँगै रहेको रुकेश श्रेष्ठको ५ तले पक्की घरमा समेत सल्किएको थियो ।