सरकारले २६ जना उपसचिवको गर्यो पदस्थापन तथा सरुवा

breaking news

काठमाडौं । संघीय मामिला तथा सामान्य प्रशासन मन्त्रालयका २६ जना उपसचिवको पदस्थापन तथा सरुवा भएको छ । लोक सेवा आयोगको सिफारिसमा आन्तरिक प्रतियोगितामार्फत नियुक्त भई मन्त्रालयको अतिरिक्त समूहमा रहेका २३ जना र विभिन्न निकायमा कार्यरत ३ जनालाई मन्त्रालयले शुक्रबार पदस्थापन तथा सरुवा गरेको हो ।

मन्त्रालयको अतिरिक्त समूहमा रहेका २३ जना उपसचिवको पदस्थापन तथा सरुवा गर्दा ४ जनालाई प्रमुख प्रशासकीय अधिकृतको जिम्मेवारी दिएको छ । जसमा अमरबहादुर वलीलाई चितवनको राप्ती नगरपालिकामा, अमनकुमार कर्णलाई धनुषाको नगराईन नगरपालिका, राजन थापालाई उदयपुरको कटारी नगरपालिका र राजकुमारी खत्रीलाई दोलखाको जिरी नगरपालिकामा प्रमुख प्रशासकीय अधिकृतको जिम्मेवारी दिइएको छ ।

यसैविच जिल्ला समन्वय समिति झापामा कार्यरत अकबर प्रधान, जिल्ला समन्वय समिति स्याग्जामा कार्यरत रुकु शर्मा र कटारी नगरपालिका उदयपुरमा कार्यरत राजमणी निरौला मन्त्रालयको अतिरिक्त समूहमा तानिएका छन् ।
.