सगरमाथा आरोही सई कुन्जाङ छोपेल शेर्पा दर्ज्यानी चिन्हद्वारा सुशोभित !

Blog

- न्यूज नेपाल

काठमाडौं । सगरमाथाको सफलतापूर्वक आरोहण गर्न सफल कुन्जाङ छोपेल शेर्पालाई प्रहरी सहायक निरीक्षक पदबाट प्रहरी नायव निरीक्षक पदमा विशेष बढुवा भएकी प्रहरी नायव निरीक्षक दज्र्यानी चिन्हद्वारा सुशोभित गरिएको छ ।

नेपाल प्रहरी महानिरीक्षक दीपक थापाको अध्यक्षतामा नेपाल प्रहरी प्रधान कार्यालयमा गत जेठ ६ गते बसेको नीति निर्माण समिति (पीसीसी) बैठकले उनलाई सुशोभित गर्ने निर्णय गरेको थियो ।

शेर्पाले विश्वको सर्वोच्च शिखर सगरमाथाको सफलतापूर्वक आरोहण गरी सङ्गठनको गौरव बढाउन सफल शेर्पालाई नीति निर्माण समिति बैठकको निर्णयले विशेष बढुवा प्रदान गरी प्रहरी सहायक निरीक्षक पदबाट प्रहरी नायव निरीक्षक पदमा बढुवा गर्ने निर्णय गरेको थियो ।

प्रहरी महानिरीक्षक दीपक थापाले नेपाल प्रहरी प्रधान कार्यालयमा आइतबार आयोजित एक समारोहबिच प्रहरी नायव निरीक्षक कुन्जाङ छोपेल शेर्पालाई दज्र्यानी चिन्हद्वारा सुशोभन गरेका हुन् ।