ताजा समाचार

९५ हजारभन्दा बढीले बुझाएनन् कर विवरण, भ्याट दर्ता एकैसाथ निलम्बन

breaking news
-
       

काठमाडौं । आन्तरिक राजस्व विभागले कर विवरण नबुझाउने ९५ हजारभन्दा धेरै करदातालाई कारबाही गरेको छ । लगातार ६ महिनासम्म कर विवरण नुबझाउने उनीहरुको मूल्य अभिवृद्धि कर (भ्याट) दर्ता एकसाथ निलम्बन गरेर विभागले कारबाही गरेको हो ।

विभागले आइतबार दर्ता निलम्बनमा परेका ९५ हजार ३ सय ४९ जना करदाताको नाम वेबसाइटमार्फत सार्वजनिक गरेको हो । यससम्बन्धी सूचना भने विभागले शनिबार नै गोरखापत्र दैनिकमा प्रकाशन गरिसकेको थियो ।

सूचनामा आफ्नो व्यवसाय दर्ता रहेको आन्तरिक राजस्व कार्यालय वा करदाता सेवा कार्यालयमा सम्पर्क राखी कारोबार नियमित गर्न भनिएको छ । दर्ता निलम्बन गर्नुअघि विभागले उनीहरूलाई १५ दिने अल्टिमेटम दिएको थियो ।

दर्ता निलम्बन भएका करदाताले कर विवरण पेश गरी कारोबार नियमित गरेपछि निलम्बन हट्ने व्यवस्था छ ।

 

Comments

प्रकाशित मिति : 2025-05-25

अरु समाचार

© NewsNepal 2018 - All Right Reserved.
newsnepal.com 2017.hlon.org