युवा संघको नेतृत्व चयनका लागि आज मतदान: कसको प्यालनमा को–को छन् उम्मेदवार ?

काठमाडौं । पोखरामा जारी राष्ट्रिय युवा संघ नेपालको १० औं महाधिवेशनअन्तर्गत नेतृत्वमा सर्वसम्मत् प्रयास विफल भएपछि चुनावी प्रक्रियामा गएको छ । तीनदिने महाधिवेशनको अन्तिम तथा तेस्रो दिन महाधिवेशनस्थल पोखरा सभागृहमा चुनावी प्रक्रियाको काम जारी छ ।

निर्वाचन समितिले मतदानको समय बिहान ८ बजेदेखि अपरान्ह ४ बजेसम्म तोकेको छ । तर, उम्मेदवारको प्रारम्भिक सूची ढिला आएको र दाबीविरोध बाँकी रहेकाले मतदानको समय धकेलिने निर्वाचन समितिले जनाएको छ ।

अध्यक्षका लागि निवर्तमान अध्यक्ष क्षितिज थेबे र निवर्तमान महासचिव सुमन पुरीले प्यानलसहित उम्मेदवारी दिएका छन् । पार्टी नेतृत्वले क्षितिज थेवेलाई अघि सारेको भए पनि पुरी ब्याक नभएपछि निर्वाचन बाटै नेतृत्व चयन हुने भएको हो ।

कसको प्यानलमा को ?

निवर्तमान अध्यक्ष थेबेको पक्षबाट उपाध्यक्षमा महाराज गुरुङ र विनय शाह, महासचिवमा महेश चौलागाई र उपमहासचिवमा उपेन्द्र शाहीको उम्मेदवारी परेको छ भने, खुला सचिव मदन भण्डारी, देबु बस्नेत, महिला सचिवमा निशा लिम्बू र मधेशी सचिवमा मोबिन आलमले उम्मेदवारी दिएका छन् ।

त्यस्तै, सुमन पुरीको प्यानलमा उपाध्यक्षमा पर्वत भण्डारी र प्रकाश गौतम, महासचिवमा कुवेर अधिकारी र उपमहासचिवमा खेमराज शर्मा सचिवमा खुलातर्फ ध्रुव खड्का, अरुण कुँवर र महिला सचिवमा रेशु तामाङ र मधेशीतर्फ चितरन्जन यादवले उम्मेदवारी दिएका छन् ।

भने, थेबेको पक्षबाट आयोग अध्यक्षहरूमा लेखा आयोगमा किसुन जैशी, निर्वाचन आयोग मदन गिरी, अनुसशान आयोगमा मोहम्मद मिजाम र युवा विज्ञ परिषदमा चीन लामा तय भएका छन् ।

त्यस्तै, पुरीको प्यानलबाट आयोग अध्यक्षतर्फ निर्वाचन आयोगमा शिव रिमाल,लेखा आयोगमा विक्रम गुरुङ, अनुसशान आयोगमा अजयजंग शाही र युवा विज्ञ परिषदको अध्यक्षमा मोदनाथ सिलवाल सन्तोषको उम्मेदवारी परेको छ ।

Comments