एनआइसी एसिया बैंकको कर्पोरेट कार्यालय कमलादीस्थित आफ्नै भवनमा स्थानान्तरण

अर्थ र बाणिज्य

- न्यूज नेपाल

काठमाडौं । एनआइसी एसिया बैंकको कर्पोरेट कार्यालय आफ्नै भवनमा स्थानान्तरण भएको छ।

कमलादीस्थित नवनिर्मित भवनमा पूजा अर्चना गरी बैंक सञ्चालक समितिका अध्यक्ष तुलसीराम अग्रवालबाट जेठ १० गते समुद्घाटन भएसँगै बैंकको कर्पोरेट कार्यालय आफ्नै भवनमा सरेको हो ।

यसअघि थापाथलीस्थित ट्रेड टावरबाट प्रमुख कार्यकारी अधिकृतको कार्यालय, अन्य कार्यकारी अधिकृतहरूको कार्यालय लगायत विभिन्न विभागहरूबाट आफ्ना सम्पूर्ण सेवा तथा सुविधाहरू कमलादीस्थित कर्पोरेट कार्यालयबाट प्रदान गर्ने गरी कर्पोरेट कार्यालय स्थानान्तरण भएको हो।

कार्यालय स्थानान्तरण भएसँगै ग्राहकहरू तथा सरोकारवालाहरूले उक्त स्थानबाट बैंकले प्रदान गर्ने सम्पूर्ण सेवाहरू थप सहजताका साथ प्राप्त गर्ने विश्वास बैंकले लिएको छ।

उक्त पूजा तथा उद्घाटन समारोहमा बैंक सञ्चालक समितिका सदस्य, प्रमुख कार्यकारी अधिकृत तथा बैंकका उच्चपदस्थ अधिकारीहरूको उपस्थिति रहेको थियो।

बैंकले मुलुकभर ३६० शाखा कार्यालय, ६७० एटिएम, ११६ वटा विस्तारित काउन्टर एवं ४२ वटा शाखा रहित शाखा सञ्जाल विस्तार गरेको छ।