आईपीएलमा आजः लखनउ र आरसीबी बिच प्रतिस्पर्धा हुने

Blog

- न्यूज नेपाल

काठमाडौं । भारतमा जारि इन्डियन प्रिमियर लिग–आईपीएल २०२५मा आज लखनऊ सुपर जायन्ट्स र रोयल च्यालेन्जर्स बैंगलोरू प्रतिस्पर्धा गर्दै छन् ।

लिग चरणको अन्तिम खेलमा दुबै टोलीले जारि सिजनमा पहिलो पटक एकअर्काविरूद्ध खेल्न लागेका हुन् ।

आरसीबी आजको खेलमा जित हासिल गर्दै प्लेअफको शिर्ष स्थानमा रहने लक्ष्यका साथ मैदान उत्रने छ भने, प्लेअफ होडबाट बाहिरीसकेको लखनउ जित निकाल्दै सम्मानजनक बहिर्गमनको लक्ष्य सहित मैदानमा उत्रने छ ।

जारि सिजनमा उत्कृष्ट प्रर्दशनका साथ १३ खेलमा ८ जित र ४ हारसहित १७ अंक सहित तालिकको तेस्रो स्थानमा छ । आजको खेल जिते आरसीबी शीर्ष २ मा आफ्नो स्थान पक्का गर्ने छ ।

त्यस्तै, एलएसजीले भने १३ खेलमा ६ जित र ७ हारसँगै १२ अंक जोडेको छ । आजको खेल जितेमा लखनउ सनराइजर्स हैदराबादलाई पछिपार्दै छैटौँ स्थानमा रहेर लिग समाप्त गर्नेछ ।

आईपीएल इतिहासमा एलएसजी र आरसीबीबीच हालसम्म ५ खेल भएका छन् । जसमा आरसीबीले ३ खेल जितेको छ भने एलएसजीले २ खेलमा जित निकालेको छ ।

सन् २०२४ को सिजनमा दुबै टोलीबीच १ मात्र खेल भएको थियो । जसमा एलएसजीले जित निकाल्न सफल भएको थियो ।