माधव नेपाललाई नैतिक संकटः अध्यक्ष र दलको नेतामा कहिलेसम्म रहने ?

breaking news

- न्यूज नेपाल

काठमाडाैं । मान सम्मानको विषयलाई लिएर अत्यन्तै संवेदनशील बन्ने नेकपा एकीकृत समाजवादीका अध्यक्ष समेत रहेका पूर्वप्रधानमन्त्री माधव नेपाल राजनीतिक जीवनकै ठूलो संकटमा छन् ।

पतञ्जली प्रकरणमा भ्रष्टाचार मुद्दापछि पदीय संकटमा परेका माधव नेपालले पार्टी नेतृत्व भने गरिरहेका छन् ।

राजनीतिक इमान र नैतिकताको विषयमा लामो बखान गर्न सक्ने माधव नेपालले पार्टी अध्यक्ष र संसदीय दलको नेताबाट आफू बिदा भएर भ्रष्टाचार मुद्दाको अन्तिम किनारा नलाग्दासम्म कार्यबाहकको जिम्मेवारी देलान ? चाैतर्फी चासो बढेको छ।

नेकपा एकीकृत समाजवादीमा कार्यबाहक अध्यक्षका लागि सम्मानित नेता झलनाथ खनाल र उपाध्यक्ष राजेन्द्र पाण्डेदेखि अन्य नेताहरुले तीब्र तयारी गरिरहेको बताइन्छ भने संसदीय सलको नेताका लागि समेत हानाथापको स्थिति बन्न पुगेको बताइन्छ ।

भ्रष्टाचारजस्तो गम्भीर आरोपमा मुद्दा दर्ता भएपछि माधव नेपाल प्रतिनिधिसभा सदस्यबाट स्वतः निलम्बनमा परिसकेका छन् । सांसद पद निलम्बनमा परिसकेको र पार्टी अध्यक्षको जिम्मेवारी पनि नैतिक संकटमा परेकाले माधवमाथि यी जिम्मेवारी अन्य नेताहरुलाई दिने ठूलो चुनाैति छ । तर, तत्काल उनले पद हस्तानन्त्रण गर्ने मनस्थिति बनाइनसकेको स्रोतको दाबी छ ।

उसोतः पार्टी बैठक बस्ने कार्यतालिका समेत तय नभएकाले यो विषयमा अहिले नै भन्न नसकिने अवस्था रहेको स्रोतको दाबी छ।